Pinagharian ni Mar Aviel Carredo ang katatapos na Kamatyas Invitational Kiddies Fide Rated Chess Tournament na ginanap sa Multisys Technologies Corporation sa Paranaque City nitong Sabado.
Ang Quezon City bet Carredo ay naka kolekta sa 4.5 points sa five outings.
Tinalo ni Carredo ay sina Elieza Marie Jaen sa first round, Kyle Jhazmin Clarito sa second round, Marlon Aurellano Balbaboco Jr. sa third round at Utkarsh Ujjwal Jha sa fourth round. Tabla siay kay Jude Angelo Dableo sa fifth round.Magkasalo sina John Curt Valencia ng Dasmarinas City at Daniella Bianca Cruz ng Malolos City sa 2nd at 3rd na may tig 4.0 points.Si Jude Angelo Dableo na anak ni dating Asian Zonal champion Grandmaster candidate Ronald Dableo ay fourth overall na may 3.5 points.Mga pasok sa top 9 na may tig 3.0 points ay sina Utkarsh Ujjwal Jha, Jan Carlsen Matencio, Yvan Laurence Dumadag, Bobby Ortiguesa at Princess Mendoza.
Nasikwat naman ni Marlon Aurellano Balbaboco Jr. ang solo 10th place na may 2.5 points sa 1 day event na inorganisa ng Kamatyas Chess Club sa gabay ni International Master Roderick Nava na suportado ni Mr. David Almirol.
Samantala si Fide Master Jose Efren Bagamasbad ng Quezon City ang nagkampeon sa Seniors division na may 6.0 points kasunod si second place Robert Amarrador (5.5 points) ng Infanta, Quezon at third placer National Master Rudy Ibanez (5.0 points) ng Antipolo.-Marlon Bernardino-
Makikita sa larawang ito sina Fide Master Jose Efren Bagamasbad ng Quezon City (Seniors division champion), Kamatyas Chess Club top honcho International Master Roderick Nava at Mar Aviel Carredo - MB