MANILA---Mapapasabak ng husto si Atty. Rodolfo Enrique "Kopiko Kopiko" Rivera sa pagtulak ng first Fide Rated Rapid Chess Championship na iinog ngayon Biyernes, Hulyo 29, 2022 na gaganapin sa Avocadoria.ph Rainbow Restaurant, 95 Rainbow Street, Concepcion Dos, Marikina City.
Si Atty. Rivera na veteran chess player mula Quezon City at Caloocan City ay ipapamalas ang kanyang husay at talento sa 64 square board.
" I hope to do well in this event," sabi ni Atty. Rivera, legal counsel ng Bayanihan Chess Club.
"We are honoured to have him play,"sambit naman ni tournament director Donna De Guzman Apolinar.
Ang iba pang woodpushers na lalahok sa nasabing event ay sina Rolly Jon Baliwang, Donato Bello Jr., Jerico Bello, Michael Joshua Broqueza, Elize Caryl Cafirma, Elisza Gayle Cafirma, Mar Aviel Carredo, Justin Bryan Chong, Gerald Gas, Andro Huerto at Joshua Villa. Chief Arbiter ay si NA Ranier Pascual.
Si Rivera ay nakatakda ding katawanin ang bansa sa 2022 South Island Chess Championships sa Oktubre 5 hanggang 8, South Island Rapidplay Chess Championship sa Oktubre 9 na parehong gaganapin sa Kevin Hotel, Invercargill, New Zealand at sa prestigious Asian Seniors Chess Championships 2022 sa Oktubre 14 hanggang 22 sa Auckland, New Zealand.-Marlon Bernardino-
Makikita sa larawang ito si Atty. Rodolfo Enrique "Kopiko Kopiko" Rivera