Malakas na sinimulan ng Surigao Diamond Knights Chess Club ang kanilang kampanya sa pagbubukas ng Mayor Sara Duterte Chess Online tournament Philippine Chess League (PCL) Season 3 virtually na ginanap sa lichess platform nitong Biyernes.
Nagtulong tulong sina Kevin Mirano (12 points), Alfredo Rapanot (9 points), Atty. Cliburn Anthony Orbe (9 points), Cyrus Donasco (9 points) playing team owner Arena Grandmaster Rey Urbiztondo (8 points), Atty. Melzar Galicia (7 points) at Atty. Jason Bandal (6 points) sa pagtala ng importanteng panalo sa opening round ng Arena Online Tournament na ipinatupad ang 10 minutes plus two seconds increment rapid time control format sa Group D Pool A Regular Team Battle.
Suportado nina congressman Ace Barbers at team manager Engr. Dodjie, ang Surigao Diamond Knights Chess Club ay nakapagtala ng total output 131 points (47 points, Pool A, 43 points Pool B, 12 points Female, 19 points Youth at 10 points Senior) para talunin ang MindMovers.Ph Chess Club (100 points), Dipolog City Chess Association (97 points), Malolos City Chess Club (94 points) at Malaybalay City Chess Club (93 points).
Ang online tournament ay may time control ten minutes na may increment na two seconds kung saan paramihan ng panalo ang irerehistro ng mga manlalaro sa isang oras at kalahati na laro, paliwanag ni Atty. Orbe na isang Candidate Master.
Ang Top 2 sa bawat group matapos ang 8 preliminary episodes ay uusad sa quarterfinals.
“The first round is one of the toughest rounds in any tournament. It usually sets the tone of how you’re going to perform,” sabi ni AGM Urbiztondo.
"We hope to perform well in this event," ani pa AGM Urbiztondo.
Makikita sa larawang ito si Atty. Cliburn Anthony Orbe