Pinagharian ni Fide Master Robert Suelo Jr. ang katatapos na Hon. Marvin C. Rillo Chess Cup na ginanap sa Barangay Hall, Barangay San Martin De Porres, Cubao, Quezon City nitong Lunes, Marso 21, 2022.
Si Suelo na dating pambato ng Rizal Technological University ay kumamada ng six points para makopo ang titulo at cash prize P1,500.
“I’m happy to win again. Maganda kundisyon kaya maganda din ang laro ko ngayon,” sabi ni Suelo, isa sa ipinagmamalaking manlalaro ng Quezon City Simba's Tribe na nasa gabay ni Team Owner Danilo Ponay.
Tumapos naman si Candidate Master Master Genghis Imperial ng second place na may similar 6.0 points.
Naiuwi ni Imperial ang P1,000 sa event hosted ni Hon. Rillo sa pakikipagtulunan nina coun. Imee Rillo, coun. Raquel Malangen,coun. Ariel Inton, Barangay chairman Mervin Viray at Barangay kagawad Meng Ronquillo na inorganisa ng Bayanihan Chess Club.
Nakisalo naman si Noel Jay Estacio sa third hanggang seventh places na may tig 5.0 points sina National Master Almario Marlon Bernardino Jr., Michael Mallari, Mark Louie Velasco at National Master Jasper Faeldonia.
Habang sina Nixon Reyes at Jerome Alcodia ay nasa eight hanggang ninth places na may identical scores 4.5 points.
Mga category winners ay sina Abraham Tecson, Rogelio Baccay and Roger Abisan (top seniors), Jerick Faledonia, Ryzia Lei Zheysha Suelo and Ysha Royz Suelo (top kiddies), Ayesha Guanzon, Precious Queenie Manalastas, Merlinda Suelo and Jolina Icao (top ladies), Bong de Leon, Allan Morallos, Leonard Cabreros at Ramon Montarde (top San Martin de Porres).