Manila, Philippines—Pinagharian ni Grandmaster Mark Paragua ang katatapos na GM Rosendo Carreon Balinas Jr. Online Chess Tournament na tinampukang 3 Years old Birthday Celebration ni Baby Uno na ginanap nitong Lunes, November 23, 2020 sa lichess.org.
Ang New York, USA based Paragua ang nagkubra ng titulo ng Open Division na nakalikom ng 95 Arena points sa 36 games para sa win rate 75 percent at performance rating 2633 sa event na tampok ang 202 players worldwide.
Naibulsa ni Paragua ang cash prize P1,000, habang sina second placer Karl Victor Ochoa(Malolos, Bulacan), third placer Rommel Ganzon(Cebu), fourth placer Sherwin Tiu (Manila) at fifth placer Ted Ian Montoyo (Bacolod City) ay nakatangap ng tig P600, P400, P300 at P200.
Ang 1.1 bullet online tournament ay suportado nina US based frontliner Dr. Joe Balinas , Engr. Antonio "Uncle Paps" Balinas, Mr. Recca Carcueva ng Philippine E-9 Chess Club, Mr. Wagish Kumar Rai ng Frontier Wheels at Mr. Glenn Hullana Garcia ng Brainy Chess Academy na isinagawa sa pakikipagtulungan ng Bayanihan Chess Club.
Namayagpag din sina NM Jullius Sinangote (Quezon City), IM elect Eric Labog Jr. (Nueva Vizcaya), GM Darwin Laylo (Marikina City), FM Jesse Noel Sales (Sydney, Australia) at Kyle Ochoa (Malolos City, Bulacan) na sixth hanggang tenth place na may tig P100 cash na natangap.
Bida din sina Karl Victor Ochoa ng Malolos City, Bulacan (1st) at International Master Jan Emmanuel Garcia ng Manila (2nd) na nanguna sa 13 years old and above category habang nagpakitang gilas din sina Franiel Magpily ng Makati City at Al-Basher "Basty" Buto ng Cainta, Rizal matapos kunin ang first at second place sa kiddies 12 years old and below division.