Handa nang makipagtagisan ng talento si Pinoy gymnast Carlos ' Caloy' Yulo sa Olympic Games sa Tokyo, Japan.
Ito'y ayon kay Gymnastics Association of the Philippines (GAP) President Cythia Carrion sa online session ng Philippine Sportswriters Association Forum bago lumipad pa-Japan.
“He is prepared and he’s doing very well. If he just performs the way he’s training, he can win medals, maybe even the gold,” sambit ni Ms. Carrion patungkol kay 21-year-old Yulo, na buwenamanong aarangkada sa Olimpiyada.
Sinabi ng GAP official, ang pagsasanay ni Yulo sa Japan ay mainam na bahagi sa huling tatlong taon na kanyang isinakatuparan bilang gymnast tungo sa katuparang makakasikad sa inusod na quadrennial Games.
Sa kabila ng hamon ng pandemya ang masugid na preparasyon ni Yulo, nagawa naman ng kanilang grupo ang kinakailangang pagbabago (adjustment) at nakuhang makalahok sa iba't ibang kampo para mamentina ang bravado sa kanyang pag eensayo.
Bantay sarado ni Yulo ang kanyang kalusugan at doble-ingat kontra coronavirus.
“He doesn’t go into crowds. He just goes to school and trains. He doesn’t go out. It’s all training for him,” wika ni Ms. Carrion. (LP/BWO)