ANTIPOLO — Tinapos ng Ateneo de Manila University ang unang ikutan sa UAAP Season 85 Women’s Basketball Tournament sa bisa ng 73-62 win laban sa University of the East Linggo dito sa Ynares Sports Center.

 

Lider si Jhazmin Joson sa Blue Eagles sa kanyang all-around performance hagip ang 20 points, 10 assists, pitong rebounds, tatlong steals, at isang tapal. 

 

Rampa din si Ateneo Nigerian student-athlete Sarah Makanjuola na nilagare ang  17 points, 21 rebounds, at pitong  blocks.

 

“I wanna give kudos to coach Ai (Lebornio). She really came up with a good game plan against us,” sambit ni  Ateneo coach LA Mumar. “I think this was (UE’s) best game in the UAAP. That team is well-coached so all kudos to them.

 

“Winless nga yung UE so we were in a rush. We were nanggigil. Finally, nung last five minutes, we were able to settle down and create some space," sabi pa. ng first-year Blue Eagles head coach.

 

Hawak ang manipis na  53-50 lead may 8:37 sa ballgame, hinapit ng Ateneo ang 18-5 run kaakibat ang basket ni Sandra Villacruz mula sa pasa ni  Jhazmin Joson para bumentahe 71-55 may 2:06 ang nalalabi at selyuhan ang panalo.

 

Ang resulta ang naghatid sa Ateneo na wakasan ang  first round tala ang  4-3 karta na gumapos sa kanila para sa  solo 4th habang nasa huling puwesto ang UE, 0-7 record.

 

Nag-ambag sina LJ Miranda at Sandra Villacruz ng 14 at 13 points ayon sa pagkakasunod para sa  Blue Eagles habang si  Ylyssa Eufemiano ay nakahuli ng 11 rebounds kung saan pangalawang sunod na pagkakataon sa laro na wala ang presensya ni Kacey Dela Rosa.

 

Nakatimbog ang Katipunan school ng 68 rebounds at may  38 points sa pinta. Sa kabila,  ang UE ay may 49 at 18 sa kaparehong kategorya. (Louis Pangilinan/UAAP)

 

 

Iskor:

Ateneo (73) - Joson 20, Makanjuola 17, Miranda 14, Villacruz 13, Eufemiano 7, Calago 2, Nieves 0, Navarro 0, Penaranda 0, Fetalvero 0, Angala 0, Cruza 0, Perez 0.

 

UE (62) - Terrinal 14, Anastacio 11, Kone 10, Caraig 9, Lorena 7, Nama 5, Paule 5, Sajol 1, Zamudio 0, Silva 0, Gervacio 0.

 

Quarters: 20-14, 36-29, 51-45, 73-62.