Winston ng DLSU ang nagmanibela kontra karibal Ateneo, 83-78

Winston ng DLSU ang nagmanibela kontra karibal Ateneo, 83-78

Winston ng DLSU ang nagmanibela kontra karibal Ateneo, 83-78

Winston ng DLSU ang nagmanibela kontra karibal Ateneo, 83-78

Winasiwas ng De La Salle University ang pamosong karibal na Manila University, 83-78, sa UAAP Season 85 men's basketball tournament, Linggo sa Smart Araneta Coliseum.

Ito ang unang panalo ng Green Archers laban sa kanilang karibal buhat nung Game Two sa Season 80 Finals, sa pagbasag ng seven-game skid kontra Blue Eagles.

"The boys really worked hard. They believed they can beat Ateneo. Even though we were down, we were able to regroup in the second quarter," sambit ni La Salle coach Derrick Pumaren. "Hats off to my guys I told them to never doubt that we can match up against Ateneo."

Tagpos ng tatlo, hinalibas ng La Salle ang 12-3 pasabog, na ginatungan ng isang jumper ni Schonny Winston para akuin ang six-point lead may 1:42 ang nalalabi, 79-73.

Sinundan ng tres ni Forthsky Padrigao para hilahin ang Ateneo sa tatlong puntos bago sumagot muli ng isang jumper si Winston, 81-76, may 1:19 pa sa laro.

Libreng umiskor si Kai Ballungay para sa panibagong tres na ungos pero nabigo nang makabaon ang Blue Eagles sa sumunod na posisyon kung saan nakaratrat pa si Evan Nelle mula sa linya.(Louis Pangilinan/UAAP)

Iskor:
DLSU 83 - Winston 25, Nelle 10, Cortez 8, Quiambao 7, Abadam 7, M. Phillips 6, Austria 6, B. Phillips 6, Estacio 5, Nwankwo 3, Nonoy 0, Manuel 0.

Ateneo 78 - Kouame 22, Ballungay 19, Andrade 8, Ildefonso 7, Padrigao 7, Gomez 5, Lazaro 4, Garcia 3, Chiu 2, Koon 1, Daves 0, Quitevis 0.

Quarters: 18-28, 46-47, 64-62, 83-78.