Minneapolis City, Minnesota - Gipakuratan ni Los Angeles (LA) Sparks shooting-guard Alana Beard ang Minnesota Lynx atubangan sa bagang dumadapig niini pinaagi sa iyang 1.3-second buzzer-beater baseline jumper aron angkunon ang kadaugan sa Game 1, 78-76 alang sa best of 5 Finals sa Women's National Basketball Association (WNBA) nga gipahigayon sa newly renovated Target Center.
Adunay 4-puntos lamang sa kinatibuk-an apan si Beard ang giila nga Hero sa nahisgutang duwa alang sa iyang kuponan. Sayo niini grabe ka bibo ang nahisgutang Championship Game nga gitambungan sa 12,113 ka mga fans diin 90 porsyento sa mga nanambong sa duwa mga babaye, may mga bata, hamtong ug mga retirees.
Nikabat sa 19 ka higayon ang pagpanagtabla sa duwa samtang napulo kahigayon nagpuli-puli sa paglabaw, nga nalansang ang Halftime Scores 32-36 pabor sa defending Champion Lynx.
Pabor ang Minnesota Lynx sa Homecourt 2-2-1 Finals format sanglit sila ang number 1 seeded sa lega, gawas pa sab anaa sa Minnesotans ang 2014 League's MVP Maya Moore anaa usab si 2015 Finals MVP nga si Sylvia Fowles, si 2012 MVP Seimone Augustus ug ang veteran play-maker Lindsay Whalen. Ang upat nga nahisgutan sa unahan maoy mga magduduwa sa USA team Women's Basketball sa bag-ong natapos nga Rio Olympics sa Brazil.
Apan di sab mabintahan ang seeded number 2 Californian team Sparks sanglit ang 2016 League's MVP Nneka Ogwumike anaa kanila ingon man ang 2016 WNBA Sixth Woman of the Year Awardee Jantel Lavender anaa sa ilang kuponan.
Tungod sa sayong foul-trouble sa Lynx ingon man saktong depensa sa Sparks nga gipahamtang ngadto sa scoring machine sa Minnesota nga si Moore diin butlog ang score niini sa first half maoy naghatag sa yawe sa kadaugan sa LA ni coach Brian Agler."We lost the game at the foul line and turnovers, we couldn't defend without fouling. I don't know that we got necessarily much benefit of the whisle" batbat ni Lynx head coach Cheryl Reeve atoll sa Post Game Press Conference.
Samtang si Agler nangandam alang mga adjustments para sa Game 2 karong Martes alas 7 sa Gabii (Meyerkules alas-8 sa buntag oras sa Pilipinas) sa korte dihapon sa Lynx diin Makita ang duwa sa ESPN2 Sports Television ug madungog sa 106.1 Bob FM Minnesota. Ang Game 3 and4 motapon ang duwa sa Los Angeles samtang kon may Game 5 mobalik kini sa Minnesota.
"I thought it was a very competitive game, we know that we have a very worthy opponent we're up against, and just proud of how we handled things down the stretch gave ourselves a chance to win". Pulong nga gibuhi-an ni Agler.
Sa pikas bahin atol sa halftime ang WNBA miparada sa top 20 players retired and active aron dawaton niini ang commemorative ring alang sa ilang mga nahimo ug dungog alang sa 20-anyos na nga Basketball League alang sa kababayen-an.
Si WNBA President Lisa Borders maoy nangulo sa okasyon diin usa sa top 20 players nga nidawat sa ring mao si kanhi WNBA player ug karon NBA San Antonio Spurs assistant coach Becky Hammon.
Si Hammon nga nahinabi sa Superbalita Cebu iyang gibutyag nga angayan lang motan-aw ang mga aspiring young women's Basketball Player sa WNBA Games ug sud-ungon ang mga plays niini, samtang angayan tutukon ang mga lihok sa duwa nila ni Moore sa Lynx ug Diana Taurasi sa Phoenix Mercury.