Ni Daniel Quindao Guden
COON RAPIDS CITY, Minnesota - KULBAHINAM nga Game 7 sa NBA ang gipaabot sa tanan atol unya sa panagbagat sa host defending champion Golden State Warriors vs challenger Cleveland Cavaliers karong Domingo Hunyo 18 sa Oracle Arena, Oakland City, California.
Mo host ang Warriors sa Cavaliers nga pi-angon sanglit wala ang ilang starting center from Australia Andrew Bogut. May gipamati sa tuhod ang back-to-back ug this year Unanimous MVP Stephen Curry. May gibati nga sakit sa likod si Andre Igoudala ang last year Finals MVP.
Sa pikas bahin human nagkaguliyang ang team ni LeBron James Cavaliers sa Game 1 and 2 sa Oracle Arena. Nibangon daw Lion ug nipahit sa Game 3 ang Cavs sa Quicken Loans Arena sa Cleveland City. Nakabalos ang Warriors sa Game 4 hinungdan sa 3-1 nga bintaha sa Golden State. Apan gisagunsonan sa Cavs ang Warriors pagpildi sa Game 5 and 6 resulta 3 - 3 nga baraha.
Sa pagsugod sa NBA Finals 2016, grabe ka inilog ang Warriors tungod kay dako ang bintaha nila bisan paman sa malisod nga kasinati-an batok sa Oklahoma City Thunder nga nisangko sa Game 7.
Dihang nagsugod na ang Finals kalit nisutoy nga walay lingi-lingi ang Warriors 2-0 dayon sa ilang korte. Tungod sa resulta sa duha ka duwa ni-amag ang ikaduhang titulo sa Warriors. Apan karon nga nakabalos ug natabla na ang baraha 3-3, nitidlom ug ningitngit na ang purohan sa Warriors ug daw sama sa Bagyo nibaligtad na ang hangin.
Ang biya sa tapad ug pustahanay sa mga sugarol sa Las Vegas, Nevada nga Cleveland Cavaliers karon mas inilog na ug maoy pagtuo sa kadaghanan nga matala sa kasaysayan sa NBA nga ang team ni James nga Cavaliers maoy unang makabangon gikan sa 1-3 nga standing ug maangkon na ang idlas nga Larry O'Brien trophy ang prestigious award sa NBA nga gi damgo sa taga Cleveland City ug State of Ohio pila na ka dekada ang nakalabay.
Duha lamang ang padulngan ning tanan either Cavaliers or Warriors will win tonight. Ang Cavaliers team daw lisod na pugngan si James sa opensa, si Irving moputok usab anytime, si T. Thompson kon dili mapugngan sa ilawom aw iya kanunay ang bola alang sa 2nd chance points. JR Smith mosulod iyang mga tres unya mo produce usab si Kevin Love aw hayahay pa sa pulis ang Cavaliers team.
Sa Warriors team usab, kon mangigo lang ug sayo si Curry ug K. Thompson plus either Igoudala or Barnes maka control ni James unya si Draymond Green ang mo manipulates sa ilawom nga bahin. Si Leandro Barbosa, Anderson Varejao ug Festus Ezeli mo step up aw way rason nga moyukbo sila.
In my humble opinion Warriors by 3 points from Stephen Curry will seal the scores 101-98 for Game 7. Panagna lang na mga abai ha, apan mahimong di motukma ang resulta unya.
Akong pahalipay sa paglampos ni Reyna Binondo sa Sekondarya. Atol ning pagsulat ani-a pa kita sa ilang tugkaran diin gipahigayon ang High School Graduation party.
Si Reyna nga may talagsaong talent sa pag awit, sayaw ug acting sa ilang eskwelahan ug bugtong anak sa very supportive kaayo ug hardworking mom nga si Delyn. Ang iyang duha ka iyaan sila si Girlie Binondo-Lincoln (uban sa iyang bana Corey) ug Gigi Binondo-Guden (kapikas ning inyong alagad) walay pu-as nga nangunay sa pagbutang sa mga Dayan-dayan (Ornaments) aron hamugaway ug hapsay sud-ungon ang selebrasyon.
Samtang ang iyang apohan babaye Delia Duron-Binondo maoy nagsilbing Chef cook tungod sa ka excited nga manugsulod na sa Americans Musical and Dramatic Academy (AMDA) - College Conservatory for the Performing Arts nga nagbase sa New York ang iyang usa sa pinangga nga apo.
Mga Bisaya'ng Pinoy sa Minnesota nga nag-iyahay sa pagdala sa ilang mga linuto nga pakaon maoy pipila sa nitungha sa kalihukan, mga Filipino, mga Americans uban sa iyang klasmeyts, paryenti ug kahigalaan ang nitambong sa kalihukan alang ni Rina sanglit 50% Filipino and 50% American ang dugo niini nga naglatay sa iyang kaugatan. (This email address is being protected from spambots. You need JavaScript enabled to view it.)