Ipinagdiinan ni Meralco coach Norman Black ang kahalagahan ng depensiba sa pagpatumba ng second-seeded Bolts  kontra sister team   TNT KaTropa sa PBA Governors' Cup semis.

"It will be a huge challenge being matched up against the top offensive team in the conference," sambit ni  Black matapos siluin ang No. 3 KaTropa bilang kanilang oposisyon sa  best-of-five duel umpisa  Disyembre 13.

 

Nalista ng TNT ang league-best 109.58 points per game sa 39 percent three-point shooting at 49 percent field goal accuracy overall at normal hinahapit ang 15.67 markers sa transition plays.

 

"Our transition and perimeter defense will have to be at its best as we try to slow down the high scoring TNT team," diin ni Black.

 

Ang Meralco ang pangunahing banta sa opensiba,  may average na 102 points kada laro na may  46 percent field goal markmanship at 35 porsiyento mula sa ilalim.

Ang Meralco-TNT showdown  ay sinaniban ng eksplosibong import ng KaTropa na si KJ McDaniels laban sa depinidong enerhiya ni Meralco import  Allen Durham.

 

Si McDaniels ang league's top gunner, sa average na 37.09 markers, habang kasalo rin sa aspeto ng ibang departamento na may  7.88 boards, 4.7 feeds at isang tapal. 

 

Hataw pa rin sa porma si Durham para sa Meralco, nagdeliver ng 29.64 points, 14.64 rebounds, 6.27 assists at 1 block sa laro. 

 

Agresibo rin ang lokal na sina Raymond Almazan, Baser Amer, Chris Newsome, at Bong Quinto sa pagsuporta kay Durham kung saan may walong panalo any Meralco sa 11 asignatura sa  elims para sa No. 2 seeding sa quarters pagkatapos makuha ang silya sa semis sa bisa ng 94-84 panalo sa No. 7 Alaska.

 

"While it will be tough, we will just go out and play our game to win as we have the whole conference," ani  Black, na target na naigiya angbtropa sa kampeonato sa ikatlong pagkakataon. (Louis Pangilinan)