SMART Clark Giga City - Muling ipinamalas ng San Miguel Beer ang puso ng isang kampeon.
Kinabagan ng laylay na simula, sa 13-point third quarter na pagkalugmok, pinanatili ng Beermen ang kanilang arsenal para lagukin ang 89-82 panalo kontra Meralco, Miyerkules sa PBA Philippine Cup sa Smart 5G-powered AUF Sports Arena.
Nanguna si Mo Tautuaa sa lahat ng scorer sa kanyang 23 points, ngunit ang gaya ng mga beteranong sina Arwind Santos, Alex Cabagnot at Chris Ross ang nag-iwang ng marka sa papaupos na huling yugto para pamunuan ang ikatlong sunod na panalo ng SMB at ikaapat sa anim na asignatura sa pangkalahatan.
Ang nasabing talaan ang naghatag sa defending champion na makasabay sa walang aksiyong Barangay Ginebra at Phoenix Super LPG sa ikatlong posisyon, malayo mula sa kaparehong koponan na matalo ang kanilang unang dalawang asignatura sa bubble at ngayo'y mistulang natauhan para tutukan ang kampanya para sa pang anim na sunod na korona sa liga.
"Coach (Leo Austria) told us to keep fighting, keep going, keep fighting, that no matter what, keep pushing until the end," sambit ni Tautuaa.
Ang Beermen sa katunayan ay isinapuso ang mga kataga, gamit ang balansiyadong opensiba at magaspang na depensa para kutyain ang 19-4 arangkada umpisa sa huling kanto at akuin ang unahan, 79-73. Si Tautuaa ay may pitong puntos at Von Pessumal ay may apat sa naturang bentahe.
Umalsa ang Meralco sa likod ni Aaron Black para ilapit ang 80-83, ngunit bumanat si Cabagnot ng isang dumadagundong na tres na lumusaw ang pagbabanta bago sumalpak si Ross ng shot clock-beating tungo sa 89-82, 19 seconds na lang
.(LP/PBA)
Photo Courtesy : PBA.PH
The scores:
SMB 89 - Tautuaa 23, Santos 17, Cabagnot 13, Ross 12, Lassiter 12, Pessumal 4, Gamalinda 4, Zamar 2, Escoto 2, Mamaril 0, Alolino 0, Vigil 0, DeGuzman 0, Comboy 0.
Meralco 82 - Baser 17, Hugnatan 15, Newsome 14, Black 7, Hodge 7, Qinto 6, Almazan 5, Maliksi 5, Jamito 4, Pinto 2, Faundo 0, Jackson 0, Jose 0, Salva 0, Caram 0.
Quarters:19-20, 40-40, 60-69, 89-82