CLARK - Sumibat ng 17 three-pointers sa kanilang inisyal na panalo, higit pang naglagablab ang Phoenix Super LPG Fuel Masters, Huwebes, sa pagtabas ng 19 matapos palupaypayin ang NorthPort Batang Pier,
110-105, para itarak ang 2-0 kartada sa ilalim ng bagong coach nitong si Topex Robinson.
Pitong Phoenix players ang nakapagpalaso ng tres, kabilang na ang apat kay Matthew Wright kung saan hindi lang tinakbuhan ng Fuel Masters kundi binakbak ang arsenal ng Batang Pier para anihin ang maagang pagsosyo sa unahan ng PBA bubble play sa AUF Gym powered by Smart 5G.
Magkapantay na ang Phoenix sa TNT Tropang Giga na may 2-0 habang ibinaon ang NorthPort sa 0-2.
Pero iginiit ng Fuel Masters na nasa proseso pa rin sila na maging moog na koponan, at hindi iniisip ang leaderboard.
"As I've said coming here, we just wanted to be the best version of ourselves. We can be 2-0 or 0-2 right now, but it doesn't matter. We're not yet a team but just a group of individuals with good basketball talent," sambit ni Robinson.
"We're just trying to stick together and stay in the process. We're not focusing on the win-loss record. We're in a process and we're enjoying the process," ani Jayson Perkins, na tumibag ng 31 points at 12 rebounds.
Iskor:
Phoenix Super LPG 110 - Perkins 31, Wright 23, Chua 17, Jazul 10, Heruela 9, Rios 8, Intal 5, Napoles 4, Marcelo 3, Gamboa 0, Reyes 0, Garcia 0.
NorthPort 105 - Standhardinger 28, Anthony 23, Lanete 17, Ferrer 14, Taha 7, Nabong 6, Elorde 4, Cruz 3, Revilla 2, Guinto 2, Manganti 0, Subido 0, Grey 0.
Quarters: 23-23, 55-51, 83-77, 110-105