MANILA – Tinanggap na rin ng Games and Amusements Board (GAB) ang paghingi ng paumanhin ni Blackwater owner Dioceldo Sy kaugnay ng pagsagawa nila ng practice session na isang paglabag sa quarantine protocols sa gitna ng COVID-19 pandemic.
"Commissioner Edward Trinidad and I have met with Mr. Sy. We have accepted their apology," ani GAB chairman Baham Mitra.
Sinabi din ni Mitra na si Sy at iba pang Elite team officials ay nandun sa meeting, "promised to adhere to all the rules and safety standards as well as the directives of the IATF (Inter-Agency Task Force for the Management of Emerging Infectious Diseases) and GAB."
"We have also asked them to wait for the IATF resolution and GAB-PSC (Philippine Sports Commission)-DOH (Department of Health) Joint Administrative Order before any practice so as not to jeopardize our efforts to resume leagues' practice," ani pa ng dating Palawan Gov./Congressman Mitra.
Sa kabila ng paghingi ng sorry, sinabi din ni Mitra na asahan na rin ng Blackwater ang parusa sa paglabag sa quarantine protocols.
Nauna rito sinabi ni Sy na ang kanyang tropa ay nagbalik sa pag eensayo pero sa huli'y nilinaw na ito'y isa lamang shootaround ng dalawang players.
Nauna nang pinagmulta ng Philippine Basketball Association ang Elite ng PHP100,000 kaugnay ng paglabag at inatasan ni Commissioner Willie Marcial ang mga player na sumailalim sa swab testing at pitong -araw na self-quarantine dun sa mga na-test na negatibo sa Covid-19.(LP/PNA)