Ni Louis Pangilinan
Paniguradong makausad sa quarterfinals, hindi kailangang magpapitik-pitik ang TNT KaTropa kung saan hangad nila ang mas mataas na lebel –ang Top Two finish para sa twice-to-beat bonus.
Gabundok ang istratehiya ng KaTropa na higit na mapalakas ang kanilang arsenal para tungkabin ang ikapitong sunod na panalo kontra Alaska Milk Aces sa PBA Governors Cup Ynares Sports Center Antipolo, Biyernes.
Ani TNT coach Bong Ravena hindi pa sila puwedeng basta basta mag relaks kung saan nagawa nilang patagin ang malubak na salpukan nila ng ng Rain or Shine, 78-71, Linggo.
Naipako ng Aces ang breakthrough win sa muling pagbabalik ni Jeron Teng buhat sa injury.
At si Teng at kanyang katropa ay kailangang umalsa kung saan asam ang astig na pagtatapos sa elims para makasalba ng playoff berth.
"I'm happy to get the monkey off our backs," ani Jeffrey Cariaso, na nalasap ang unang panalo bilang Alaska Milk head coach. "Hopefully, we'll be able to sustain the effort."
‘Alang magawa sanhi ng hamstring injury sa kanilang unang limang laro, walang inaksayang oras si Teng para magpakitang-gilas sa kanyang pagbabalik.
"It was a struggle for me seeing my teammates losing games and I couldn't do anything because I was sidelined with an injury. So I just want to really help them win," ani Teng, na umiskor ng 18 points, kabilang na ang walo na umayuda para ibaldosa ang matinik na E-Painters.
(Louis Pangilinan)