P3.2 milyon kay Olympics-bound Yulo, aprub sa PSC

P3.2 milyon kay Olympics-bound Yulo, aprub sa PSC

P3.2 milyon kay Olympics-bound Yulo, aprub sa PSC

P3.2 milyon kay Olympics-bound Yulo, aprub sa PSC

Ayos na sa Philippine Sports Commission (PSC) ang paghatag ng P3.2 milyong pondo para magamit ni 2020 Tokyo Olympics-bound Carlos “Caloy” Yulo ng gymnastics at puntirya ang unang gold medal sa prestihiyosong Summer Games.

Ayon sa PSC naipasa ang board resolution sa hiling na budget ni Gymnastics Association of the Philippines (GAP) newly elected president Cynthia Carrion-Norton para sa gastusin at paghahanda ng 49th Artistic Gymnastics World Champions sa Summer Games na gaganapin sa 2021.

Sinabi ng gymnastics official sa lingguhang TOPS: Usapang Sports sa online video conference na nagpasa siya ng kabuuang P4-M sa ahensya ng pampalakasan, ngunit hindi niya nakuha ang eksaktong pondo; gayunpaman, kinumpirma nitong naaprubahan na ang pondo.

“I ask for 4M, but the board resolution only approves about 3 million. However, we’re not receiving it yet and I wish that I could get the money as soon as possible,” pahayag ni Carrion-Norton, kahapon ng umaga sa online video conference na suportado ng PSC at Philippine Amusement and Gaming Corporation (Pagcor) at live na mapapanood sa Sports on Air sa Facebook.

Pero hindi umano inayunan ng PSC ang hiling na ito ni Carrion-Norton dahil mayroon na itong natanggap na financial aid mula sa MVP Sports Foundation na nagkakahalaga ng P800,000.00 na ipinadala mula sa GAP.

Sa kabilang dako naman ay patuloy na hinihiling ni PSC Chairman William “Butch” Ramirez sa Kongreso na mabawi ang nawalang pondo matapos ilagay ito sa Bayanihan Act I at kunin ang P596 million sa National Sports Development Fund at P773 million General Appropriations Act (GAA) bilang pagtulong sa coronavirus disease pandemic.

“Right now coach Mune [Munehiro Kugeyama] gave me another budget of P6-million, it became 6M ang dami-dami na. That’s the work for this Olympic gold medal. But we’ll find more way,” sambit ng gymnastics official na sinabing lalapit pa umano ito kay San Miguel Corporation president at CEO na si Ramon Ang.

“I will still find a way to get more help, but I’m sure the Congress will help, because they see the benefit of Caloy aiming for the gold medal and dedication to do it,” ani pa Carrion-Norton.