Inako ni Juami Tiongson ang pagkamada ng mga puntos para sa Terrafirma na puspos ng injury tungo sa pagratsada ng Dyip na kabigin ang 110-104 overtime pagsilat sa San Miguel Beer sa PBA Philippine Cup, Miyerkules sa Don Honorio Ventura State U Gym sa Bacolor, Pampanga.
Pumitik si Tiongson ng career-high 28 points sa 10-of-41 marksmanship (47.6 percent), na sumalansan sa malaking arangkadahan na naging sandalan ng Dyip na makaresbak mula sa 16-point deficit sa fourth at nanindigan sa ekstrang minuto.
Tumaktak ng 10 ang 30-year-old sniper sa fourth period, kabilang na ang game-tying jumper, at nagdagdag ng lima sa OT kinasihan ng dumadagubdong na tres na naghatag sa Terrafirma nh 104-100 bentahe diretso sa hulinh dalawang minuto.
Si Tiongson, na tumurok ng four-of-nine mula sa arko at may pitong assists at tatlong steals sa halos 40 minuto sa aksiyon, ang humabi ng kredito sa tropa.
"Everyone stepped up - from the players to the coaching staff," aniya.
The Scores:
Terrafirma 110 - Tiongson 28, Ramos 17, Camson 13, Gabayni 11, McCarthy 10, Cahilig 9, Ganuelas-Rosser 7, Celda 6, Batiller 5, Laput 4, Calvo 0.
San Miguel 104 - Romeo 28, Santos 19, Fajardo 18, Tautuaa 11, Ross 10, Perez 10, Lassiter 5, Gotladera 3, Pessumal 0, Zamar 0, Gamalinda 0.
Quarterscores: 19-16, 42-40, 61-75, 95-95, 110-104.
(Photo Courtsey by: Pba.ph)