Castro, Tropang Giga silab ang Fuel Masters sa series opener

Castro, Tropang Giga silab ang Fuel Masters sa series opener

PBA

Castro, Tropang Giga silab ang Fuel Masters sa series opener

Share to Facebook Share to Twitter Share to Google Plus
SMART Clark Giga City. - Masigasig pa rin si Jayson Castro sa lahat ng players kahit di siyento por siyento ang kargada. 
 
Pinasan ni Castro ang TNT Tropang Giga sa kanyang balikat sa loob ng huling 74 segundo sa pitong huling walong puntos ng tropa  tungo sa  95-92 panalo kontra  Phoenix Super LPG, Miyerkules sa pagsisimula ng kanilang duwelo sa PBA Philippine Cup semifinals sa Smart 5G-powered AUF Gym sa Angeles City, Pampanga.
 
 
Kahit hindi pa gaanong magaling sa tinamong injury, hindi nakitang pinanghinaan si  Castro, kung saan sinigurong maihatag sa  Tropang Giga ang puntos na kailangan para umalpas sa Fuel Masters diretso sa paghugot ng buwenamano sa  best-of-five match-up.
 
Sinakyan ni Castro ang pamatay na pares ng libreng buslo, 95-92 count  na tinindigan nang ikasa ni  Alex Mallari ang desperadong three-point try sa pagtunog ng buzzer.
 
Sa huli,  nakaldag ni Castro ang team-high 20 points na sinuklian ng  6  rebounds at gayung dami ng  assists. Sa katunayan umiskor siya ng 12 puntos sa huling tikada ngunit nakibahagi din ng  kredito sa kanyang katropa. 
 
 
"Siguro, sa team namin," sagot ni Castro sa tanong kung saan niya kinukuha ang lakas.
 
"Kasi we play as a team talaga and ine-encourage nila ako talaga na kung ano kaya kong gawin gawin ko lang kasi nag-start ang bubble hindi (ako) masyadong healthy," dagdag pa ni Castro. "Malaking bagay sa akin 'yung support nila talaga."
 
Simpleng kasiyahan naman ang naramdaman ni TNT coach Bong Ravena sa kanyang  team nang makuhang humulagpos sa pagbuga ng 12-point lead abg tropa kontra kabila na nilatag ang matinding atake sa kabila ng wala ang kanilang  primera bidang si Matthew Wright mula sa kalagitnaan ng  opening quarter at foul trouble ni Calvin Abueva.
 
"Phoenix has a lot of energy. We know they're gonna come out really strong, so we decided to match their energy with our guards," ani Ravena, patungkol sa ilang sitwasyon sa aksiyon nang abatan ang apat na guwardiya. 
 
"We know they're not going to give up, they're going to stay in the game. We just stuck to our game, especially on defense," ani pa Ravena.(LP/PBA)
 
Photo Courtesy - PBA.PH
 
The Scores:
 
TNT 95 - Castro 20, Parks 17, Pogoy 16, Erram 15, Reyes 11, Montalbo 6, Rosario 5, Enciso 4, Carey 1, Washington 0.
 
PHOENIX 92 - Jazul 21, Perkins 15, Abueva 13, Mallari 13, Garcia 12, Heruela 6, Chua 3, Intal 3, Rios 2, Wright 2, Marcelo 2, Reyes 0, Napoles 0.
 
Quarters: 16-24; 36-37; 67-61; 95-92.