Pacquiao, Thurman parehas ang timbang, 146.5 pounds

Pacquiao, Thurman parehas ang timbang, 146.5 pounds

Pacquiao, Thurman parehas ang timbang, 146.5 pounds

Ni Louis Pangilinan
LAS VEGAS, Nevada — Parehong pasok sa paglalabanang timbang si Pambansang Kamao Manny Pacquiao at bagitong undefeated world champion Keith " One Time" Thurman kahapon sa official weigh in para sa WBA welterweight fight nila ngayon sa MGM Grand Arena sa Las Vegas.

Sa 147 pound-limit, kapwa nagtala sa wieghing scale ang dalawang boksingero ng 146.5 lbs. at walang anumang palabok para isugal ang walang mantsang rekord ni Thurman kontra sa nag-iisang eight-division world champion.

Saliw ng kani-kanilang fans at kampo, unang sumampa sa scales si Thurman ahabang ang kanyang kaupakang si Pacquiao ay sinalubong ng palakpak nang siya na ang tumuntong sa podium.

Ganun man tuloy pa rin ang trash talk ni Thurman sa fighting senator at ipinangako naman ng boxing icon na raratsada siya ng todo sa gabi ng laban.

“It’s my time, and I’ll still be champ by tomorrow night,” aniya matapos ang weigh-in.

Hindi nakipagpalitan ng maangas na kataga si Pacquiao kay Thurman sa halip pinasalamatan ang dumalong fans sa pagsuporta sa kanyang laban.

“Thank you for coming to witness a good fight, I want to prove something for this fight. I’m so prepared for this and this is one of my best training camps. We’re all set tomorrow,” sambit pa niya. (Louis Pangilinan)