MAGNOLIA 3 SUNOD NA PANALO, SMB WAGI SA ALASKA

MAGNOLIA 3 SUNOD NA PANALO, SMB WAGI SA ALASKA

MAGNOLIA 3 SUNOD NA PANALO, SMB WAGI SA ALASKA

NI Louis Pangilinan

Nalagpasan ng San Miguel ang mabagal na umpisa para lusawin ang Alaska 119-107, at muling sumakay sa winning track sa PBA Commissioner's Cup Biyernes ng gabi sa Friday Astrodome.

Pomondo si Alex Cabagnot para sa Beermen sa kaagahan nang sila'y pasikatan ng Aces, 21-9.

Si Import Charles Rhodes at Marcio Lassiter ang umalagwa pagsapit ng ikalawang kanto nang tuluyang maitono ng tropa ang aksiyon para pitpitin ang Aces 36-14, para ibalik ang pabor sa San Miguel sa pagsampa ng 24-point lead sa half.

Buhat dito, diniretso na ng San Miguel na maitala ang kanilang tanging ikakawalng panalo sa limang asignatura matapos ang makalaglag pusong 110-107 kabiguan sa overtime kontra Barangay Ginebra.

"It was a scary game because we didn't have a good start. Nang-iwan agad (Alaska)," pahayag ni coach Leo Austria. "But I'm happy na nagkaroon sila (Beermen) ng sense of urgency and we were able to recover."

Ibinalik ng Alaska ang kanilang original choice na ai Chris Daniels kapalit ni Nino Johnson, ngunit ang pagpapalit ay bahagyang umepekto kung saan laglag ang Aces sa 4-3 record matapos danasin ang ikalawang sunod na talo.

Dinala ni Chris Banchero Alaska sa kanyang 26 points at Daniels ay may 23 at 22 rebounds.
Duda namang tinalo ng Aces ang Beermen sa boards, 53-42.

Nakipag alyansa si import James Farr kay Paul Lee para talunin ng Magnolia ang Phoenix 99-96, para tuhugin ng Hotshot ang ikatlong sunod na panalo tungo sa 3-2 karta para sa solo fourth place makaraang simulan ang kanilang kampanya sa bisa ng magkatuwang na kabiguan.

Naglista si Lee ng team-high 27 points at seven assists, habang su Farr ay may 26 kabilang ang 11 sa first quarter. Nagdagdag din siya ng 18 rebounds kung saan sumalansan ang import ng ikatlong magkasunod panalo kontra single loss matapos na humalili sa injured na si John Fields.

"I expected this to be a dog fight, a grind out game. We knew Phoenix is a strong team." ani coach Chito Victolero.

Sina Mark Barroca at Jio Jalalon ay mayroon ding double figures na 11 at 10 points ayon sa pagkakasunod , na sinamantala ang kakulangan ng Phoenix sa backcourt na wala si LA Revilla, na nagtamo ngfractured foot in buhat sa Fuel Masters' 78-76 win laban sa Alaska nung nakaraang linggo.

Naglaro na rin si veteran Marc Pingris para sa Hotshots makaraan ang higit isang taong pamamahinga mula sa tinamong ACL/MCL injuries sa semifinals Philippine Cup nung 2018.

Binati ang 37-year-old forward ng kanyang fans at maging ilang players mula sa Phoenix sa mainit palakpak habang papasok sa loob ng court may walong minuto sa ikalawang yugto sa Petron Blaze Saturday Special.

Si Pingris, na absent sa loob ng 16 buwan, ay bigong maka iskor sa loob ng pitong minutong paglalaro. (Louis Pangilinan)