Agad na tinubos ng Rain or Shine mula sa kanilang diskaril na weekend para hilahin ang 90-88 bounceback win laban sa dating unbeaten Phoenix Super LPG sa 46th PBA Governors' Cup Huwebes ng gabi sa Smart Araneta Coliseum.

Nagpalabas ng maigting na mensahe ang Magnolia Ang Pambansang Manok nang sagasaan ang Terrafirma 114-87 Miyerkules sa unang laro ng pagbabalik ng aksiyon sa Smart Araneta Coliseum.

Kinailangan munang itono ng Barangay Ginebra ang kalampag na umpisa bago nairatrat ang taktika kontra Alaska Milk at nagtiyaga hanggang sa huli para makaporma sa kanilang title-retention bid para sa unang tagumpay.

Pinundi ng San Miguel Beer ang anumang balakid sa sarili at hatakin ang 91-88 win kontra NorthPort, at itala ng Beermen ang buwenamano sa PBA Governors' Cup sa Ynares Sports Arena.

Hinampas ng SMB ang pag-igpaw sa paglalaro sa hulihan na naging daan para pasakan ng Beermen ang Batang Pier, na kinalos ang kambal na 27-point deficits sa ikatlong kanto diretso sa payoff quarter sa kabila nang wala ang presensiya ni import Cameron Forte, na may leg injury.

Rumesbak ang Terrafirma buhat sa 10-point pagkalublob sa huling yugto at talunin ang Rain or Shine sa ekstrang oras, 112-106 sa PBA Governors' Cup sa Ynares Sports Arena sa Pasig, Sabado.

Tumubog si Aldrech Ramos ng tres para puwersahin ang overtime at hindi na napigilan mula dito at hinigit pa ang pagbibida sa ekstrang panahon para umentra ang Dyip sa win-column matapos sumabog sa halos markado nang panalo laban sa Phoenix Super LPG Fuel Masters Huwebes.

Umiskor ang Alaska Milk ng 99-94 pagsilat sa San Miguel Beer Biyernes bilang follow-up sa 87-85 gitgitang panalo sa NorthPort Miyerkules para angkinin ang pagsosyo sa liderato kasama ng NLEX sa
PBA Governors' Cup.

Trinangko ni KJ McDaniels ang NLEX sa limang ekstrang minuto para isampa ang 120-115 dagundong laban sa NorthPort Biyernes sa PBA Governors' Cup sa Ynares Sports Arena.

Patuloy na kinarga ang kanyang ibayong enerhiya sa basket na lumusaw sa depensa ng Batang Pier, sumalaksak si McDaniels ng onse sa kanyang game-high 40 points sa extra period para imaniobra ang Road Warriors sa kanilang ikalawang panalo sa bagitong pag-arangkada ng torneo.

Sumagitsit ang Phoenix Super LPG kaakibat ang sakalam na si Matthew Wright para iguhit ang pinaghirapang 103-100 pagpuslit kontra Terrafirma, Huwebes sa entrada ng kanilang kampanya sa PBA Governors Cup sa Ynares Sports Arena, Pasig.

Makaraang tumalbos lang ng dalawa sa sampung tirada buhat sa field sa unang tatlong yugto, pinal na nasilip ng Fil-Canadian gunner ang kanyang pulso at hinapit ang 5-of-10 sa huling kuwadro para sa 13 ng kanyang 17 puntos na naging swabe sa kanyang game-high 10 assists.

Hindi pa rin nagwawakas na maipagpag ng Blackwater ang mapait na marka ng kabiguan kahit may mga pagbabago na sa liatahan ng kanilang kampo.

Idinagdag ng Rain or Shine ang pagkasiphayo ng Blackwater kung saan kinayas ng Elasto Painters ang mabagal na umpisa at hambalusin ang Bossing sa ikalawang parte diretso sa 92-79 panalo sa PBA Governors' Cup sa Ynares Sports Arena sa Pasig Huwebes.

Masigabong naibalik ng TNT ang trono ng karangalan na sinaniban ng magiting na pag-alagwa kaakibat ang kanilang 10-1 arangkada sa elims round.

Epikong nakumpleto ni Mikey Williams ang kanyang sariling kuwento bilang super rookie para pamunuan ang Tropang Giga sa paghugot ng prestihiyosong Emilio "Jun" Bernardino Trophy.
Sa bandang huli, hinatagan ang Fil-Am spitfire ng Honda Finals MVP plum.