Nakakuha ng kaalyado ang Philippine ASEAN Paralympic Games Organizing Committee (PHILAPGOC) sa pamamagitan ng Philippine Sports Commission matapos na ipangako ni chairman William Ramirez ang suporta ng PSC para sa 2020 ASEAN Paragames na ihu-host sa Enero ng susunod na taon.

Mula January 18 - 25, sasalubungin ng bansa ang tinatayang 2,500 athletes, coaches at officials para sa twin-event ng South East Asian Games na idaraos mula November 30 hanggang December 11 ngayong taon.

Ibinunyag ni Ramirez na ang PSC ay nakatakdang maghatag ng P100 milyong pondo para sa hosting gayundin ang paghahanap ng karagdagang pondo sa iba pang pagkukunan.

“We will support them because, like the SEA Games, this is also a national commitment” sambit ng sports chief, na aniya pa'y binalitaan din ang Philippine Paralympic Committee, sa pangunguna ni Michael Barredo, na nais nilang maitakda nang tuluyan ang pagsasagawa ng kanilang eleksiyon sa susunod na taon.

“Good governance of sports associations is important, and the PSC will use its supervisory and visitorial rights on these associations to make sure that proper management is in place since public funds are being given to them,” paliwanag ni Ramirez.

Ito na ang ikalawang pagkakataon na maghu-host ang Pinas ng multi-sports games para sa differently-abled athletes. Taong 2005, ang 3rd edition ng ASEAN Paragames ay idinaos ng bansa pagkatapos ng 23rd SEA Games buwan ng Nobyembre.(Louis Pangilinan)