MANILA –Matagumpay na nailulan ang may 11,480 stranded na trabahador at komyuter sa ilalim ng "Libreng Sakay" project ng Philippine National Police (PNP) matapos ang suspension ng transportation sa Metro Manila dahil sa ipinapatupad na enhanced community quarantine dulot ng Covid-19 pandemic.
Inatasan ni PNP chief Gen. Archie Gamboa anf Directorate for Police Community Relations (DPCR) at Police Community Affairs and Development Group (PCADG) na ipagpatuloy ang programa na ngayo'y nasa ikasiyam na linggo ng operasyon kasunod na paglipat ng rehiyon sa general community quarantine.
“Aside from this Libreng Sakay project in the major highways along Edsa, we also launched Free Ride Project in communities and barangays using police vehicles to provide a free ride to elderly and pregnant women, nursing mothers, and women with small children,” ayon sa pahayag ni Gamboa.
Sa pinakahuling ulat buhat sa Operations Management Division of PCADG, may daily average na 300 hanggang 400 commuters ang naisasakay ng PNP trucks at behikulo mula March 19 -June 7.
Ang PNP Libreng Sakay Project ay bumabaybay ngayon sa 10 pangunahing ruta gamit ang 12 buses at troop carriers buhat sa mga sumusunod na pick up at drop off points sa Metro Manila at kalapit na mga lugar:
Central Terminal (Manila City Hall to Quezon Avenue MRT 3 and vice versa
Camp Crame hanggang Tungko sa San Jose Del Monte City (via Commonwealth at vice versa)
Camp Crame to Rodriguez, Rizal (Montalban) via Litex at vice versa
Camp Crame to Taytay, Rizal (via Ortigas and vice versa)
Camp Crame to Meycauayan City, Bulacan (via Mc Arthur Highway & vice versa)
Camp Crame to Antipolo City & vice versa
Pasay City to Monumento (Edsa) North Bound & vice versa
Monumento to Pasay City Taft (Edsa) South Bound & vice versa
Camp Crame to Zapote Bacoor, Cavite & vice versa, at
Camp Crame - Novaliches, Quezon City at vice versa
Ang free ride ay operational araw araw mula 6 a.m. to 9 a.m. at 6 p.m. to 9 p.m.
Sa iba pang detalye para sa libreng sakay maaring makipag-ugnayan sa free PNP Helpline 16677.(LP/PNA)
