Kapit lang PLBA!

Latest News

Latest Reviews

Basketball

  • Raptors smack wounded Warriors 123-109 despite Curry’s 47

    The shorthanded Golden State Warriors were pushed around by a focused Toronto Raptors squad in...

  • Boxing

  • Bakbakan sa Ilocos Sur 2022: Knockout win target ni Toyogon kontra Tejones!

    Isasagad na nina boxing prodigy Al Toyogon at kalabang Joe Tejones sa main event ang kani-kanilang natipong...

  • Golf

  • Glutamax Men strengthens hold on lead

    BAGUIO CITY—Aian Arcilla once again led with his 25 points as Team Glutamax Men soared to an 87...

  • Popular News

    Oscar Valdez-Liam Valdez Showdown to be Contested for WBO Interim Junior Lightweight World Title

    The stakes have just gotten higher, When Oscar Valdez and Liam Wilson face off this Friday at...

    GM Joey Antonio 20 puntos tumulong sa PTC World Basketball team na manalo laban sa IIEE 97-90

    ni Marlon BernardinoGinawa ni Chess Grandmaster Rogelio "Joey" Antonio Jr. ang mga krusyal na...

    Mendoza naghari sa GMG Youth Open rapid chess championship

    Mendoza naghari sa GMG Youth Open rapid chess championshipby Marlon BernardinoNaghari sa...

    Kapit lang PLBA!

    Masakit man sa damdamin na mas tinitingala pa sa ibang bansa ang tropang nagbibigay ng karangalan sa tinubuang lupa, kaysa sa sariling bayan na walang gaanong alam sa pagkakakilanlan ng kahusayan nito sa pandaigdigang kumpetisyon.

     Mayroon bang makapagsasabing naka-posisyon bilang ikalawa sa pinakamagaling na koponan sa Asya at isa sa mga nirerespeto sa buong mundo ang mga manlalaro’t atleta ng Philippine Lawn Bowls Association (PLBA) – pagbubunyag ni Ronalyn Redima Greenlees, Officer-in-Charge ng naturang grupo na sumungkit ng anim na medalya, kabilang ang isang gold sa nakalipas na 2019 Southeast Asian Games sa bansa.

    Kakulangan ng popularidad, lugar na pagdarausan at premyadong sponsors ang pumipigil sa mabilis na paggulong ng pagkilala sa naturang pampalakasan na madalas na nakikita ng karamihan bilang recreational sports o libangan lamang, higit na sa mga nakatatanda.

    “Dito sa Pilipinas hindi kami kilala, pero sa ibang bansa kilalang-kilala kami. Maituturing kong 2nd best kami in Asia, Malaysia pa rin ang angat but not much kase ang facilities nila compare sa amin is different, so dun sila nakalalamang sa amin. So, sa world category naman may laban kami,” sambit ni Greenlees sa lingguhang TOPS: Usapang Sports na live mapapanood sa Sports on Air sa Facebook page nito at suportado ng Philippines Sports Commission (PSC), Pagcor at Games and Amusements Board (GAB).

    “Outside Philippines kilala kami. We’ve won sa Asia-Pacific we got a few times naka-gold kami, twice sa single, sa triples naka-gold din kami sa New Zealand, sa World Championships we have numerous medal na ginaganap every 4-years na parang Olympic Games na kailangan muna mag-qualify sa Asia,” dagdag ng dating pinuno ng PLBA.

    Dumating ang sandali na sinukuan na rin ng 49-anyos na Pasacao, Camarines Sur-native ang pagkuha ng mga sponsors upang makatulong na mas mapaunlad pa ang larong Lawn Bowls sa Pilipinas, ngunit dahil sa walang may interes na magbigay tulong sa kanila lalo na sa paglalaan ng pasilidad at mga kagamitan, na tanging nakukuha lamang nila mula sa suporta ng PSC; isinantabi na muna nito ang suportang manggagaling sa mga pribadong sektor.

    “Unfortunately, I tried my best, I’m the very first president ng Lawn Bowls sa Pilipinas, many times na nag-try akong makakuha ng sponsor, ngayon nag-give up na ako, hindi kami ganun kakilala dito sa Pinas, hindi tulad ng ibang sports na kahit maliit pa lang alam na nila. Walang mag-sponsor sa amin hindi kami pinapansin. Wala kaseng gustong makinig sa amin,” himutok ng dating 2016 Christchurch World Championships sa 4 event.