Si Philippine Athletics Track and Field Association (PATAFA) president Philip Ella Juico ang magiging special guest sa 16th “Usapang Sports on Air” ng Tabloids Organization in Philippine Sports (TOPS) via Zoom, Huwebes.

Pag-uusapan ni Juico ang tungkol sa preparasyon ng bansa para sa Tokyo Olympics sa Japan at Southeast Asian Games sa Vietnam sa 2021.

Tatalakayin din ng long-time sports leader ang hinggil sa plano ng Philippine Super Liga (PSL) para maipagpatuloy ang torneo sa panahon ng pandemya na may pahintulot ng Inter-Agency Task Force ( IATF).

Kasama ni Juico si Fil-Am track superstar Kristina Knott, na may hawak ng record na 100m at 200m run; at BMX cycling champion Renz Viaje.

Noong nakalipas na Agosto, gumawa ng kasaysayan si Knott sa pagkopo ng silver medal sa 2020 Drake University Blue Oval Showcase sa Iowa, USA, at pagbali ng Philippine record ni Lydia De Vega sa women’s 100m dash sa tiyempong 11.27 seconds.

Imbitado ni TOPS president Ed Andaya ng People’s Tonight ang lahat ng opisyal at miyembro na dumalo sa lingguhang public service program na isponsor ng Philippine Sports Commission (PSC), Philippine Amusement and Gaming Corporation (PAGCOR) at Games and Amusements Board (GAB) at mapapanood sa Facebook live.

Ang kilalang sportscaster at courtside reporter na si Phaister Ortiz ang moderator.