MANILA – Bente kuwatro oras ng bukas ang mga pagkain at package delivery services ng Grab Philippines (Grab) sa Kamaynilaan umpisa ngayong Miyerkules (September 16).
Sa pahayag nung Martes, sinabi ng Grab na ang dahilan ng kanilang pagpapalawig sa oras ng operasyon ng kanilang GrabExpress service at select merchants ng GrabFood ay upang makatulong na mapadali sa naging epekto ng coronavirus disease 2019 (Covid-19) sa negosyo.
Dagdag pa na ang ilang serbisyo ay hindi available sa ilang mga lugar sa Metro Manila dahil sa mga lokal na polisiya ng pamahalaan.
“GrabFood and GrabExpress will be observing local government’s curfew policies, and will not be delivering liquor beyond curfew hours,” pahayag ng Grab.
Para sa GrabFood, ang mga merkado ay bukas 24/7 kabilang na ang mga sikat na fast-food restaurants tulad ng KFC, McDonald’s, Wendy’s, Sinangag Express; sweet tea at cold drinks sellers gaya ng Happy Bubble, Bubble X Tea; at iba pa.
Ang kumpletong listahan ay mahahanap sa website ng Grab sa https://www.grab.com/ph/blog/grabfood-goes-24-7/.
Noong September 2, pinalawig ng Grab ang kanilang ride-hailing services hanggang hatinggabi sa Metro Manila, Cebu, at Pampanga -- mula 5 a.m. hanggang 12 a.m. (LP/PNA)