Lumagda ang Philippine National Police (PNP) at ang Makati Medical Center Foundation Inc.

(MMCFI) ng isang memorandum of agreement (MOA) na naglalayong masiguro ang kalusugan at kaayusan ng mga police personnel aa gitna ng coronavirus disease (Covid-19) pandemic.

Sa pahayag nung Huwebes, sinabi ng PNP Public Information Office, na si PNP chief/Gen. Camilo Cascolan, at MMCFI chairman Manuel "Manny" Pangilinan ay pumirma ng MOA sa PLDT main building sa Makati City, Miyerkoles.

Ang kasunduan ay nagsisilbi rin bilang bahagi ng patuloy na pagpupunyagi ng PLDT Group at PNP na higit na pagtibayin ang partnership kung saan yumabong na sa mahabang panahon sa epektibong iba't ibang programa at proyekto.

Pinasalamatan ni Cascolan si Pangilinan at iba pang executives ng MMCFI para sa kanilang mabuting loob.

"I thank the leadership of MMCFI for this kind of initiative that would be a big help to our men and women in uniform. This is also a program focused on the welfare of our personnel, most especially to those at the front lines this time of Covid-19 pandemic to keep them healthy and provide what they need during medications," ani Cascolan.

Sa seremonya, tumanggap din si Cascolan ng replica check na nagpepresenta sa donasyon ng PLDT Smart Foundation Inc. na may halagang PHP1 million para sa kanilang education assistance program sa PNP.