QUEZON CITY - Makatatanggap na lamang ang mga empleyado ng maraming magagarang bahay--aliwan (entertainment clubs) at KTV Clubs sa Metro Manila gaya ng Pegasus Ultimate Men’s Club, Heartbeat Mega KTV at Air Force One, ng kanilang separation pay mula kay Jolly Ting, ang chairman at chief executive ng  Jolliville Holdings Corp.,

ayon sa mapagkakatiwalaang  source.Ayon sa pinanggalingan ng balita,  ang mga empleyado ng tinatayang 10 malalaking night clubs sa Kamaynilaan kasama na ang Pegasus at Heartbeat sa Quezon City, Air Force One sa Paranaque City at Genie Magic KTV sa Cainta Rizal ay hinatagan ng termination papers kung saan ang mga nasabing istablisyemento ay hindi na operasyonal sa loob ng tatlong buwan dulot ng pandemya. Ang mga superbisor at  trabahador ng  KTV bars na pagma-may-ari ng Jolliville o ng Ting family ay inimpormahan na ang mga club ay hindi na magbubukas ng operasyon dahil sa malaking pagkalugi sanhi ng nagpapatuloy na krisis pangkalusugang Covid-19 pandemic sa bansa at buong mundo. Nakakandado ang clubs buhat pa noong March 16 makaraang ideklara ng pamahalaan ang Kamaynilaan sa ilalim  ng enhanced community quarantine (ECQ). 

Libong mga regular na empleyado at  talents, karamiha'y dancers at guest relations officers, ang inaasahan mawawalan ng kanilang source ng pinagkikitaan kaakibat ang permanenteng pagsara ng kanilang nasabing istablisiyemento, ayon sa source.

Ang pagsasara ng mga high-end bar at night clubs sa MM ay bunsod na rin ng  desisyon ni Angie King na isara ang ilang sangay ng Victoria Court motels kung saan patuloy na ipinapatupad ng gobyerno ang social distancing rules sa lahat ng industriya. Ang night clubs ang siyang sinisisi sa pagkalat ng virus sa South Korea nang ang  East Asian country ay sinubukang mag-relaks sa restriksyon ng kanilang galawan noong nakalipas na buwan.(LP/MST)