MANILA – Tuluyan ng kinansela ng Asean Para Sports Federation (APSF) ang 10th Asean Para Games (APG) kung saan host country ang Philippines dulot ng matinding pagsalanta ng coronavirus disease 2019 (COVID-19) pandemic.
Sa pahayag na ipinalabas noong Lunes, opisyal na sinabi ni APSF president Osoth Bhavilai ang kanselasyon ng Para Games, kung saan dalawang beses nang ipinagpaliban dahil sa Covid-19.
"In light of the decision of the Philippines Sports Commission (PSC) from the Republic of [the] Philippines, regretfully, I would like to state that the 10th Asean Para Games would be canceled officially," sa pahayag ni Bhavilai .
Tinutukoy niya ang desisyon ng PSC ng oag-withdraw kaugnay ng financial support para sa APG hosting.
“We heed the call of the national government to cut expenses as we reroute majority of our resources to fighting the pandemic, but we also stand by our commitment to keep supporting members of the national team,” ani Butch Ramirez sa statement noong April 29, na aniya pa'y ang PSC ay nagbayad pa rin ng initial operations expenses para sa nasabing hosting.
Sa kabila ng kanselasyon, ani Bhavilai nirerespeto ng APSF ang PSC's decision na ibaling ang kanilang pokus na tulungang makontrol ang Covid-19 sa Pilipinas. (ROBERT LOUIS PANGILINAN)