Sa kabila nang paglaganap ng COVID-19 pandemic, may 3,000 individuals ang nawalan ng tahanan sanhi ng sunog sa residential area sa Wawa Uno, Zapote 5, Bacoor City, Cavite nooong madaling araw ng Marso 23.
Ang Tulong Kapatid, ang corporate social responsibility group of companies, foundations, at apilyado sa ilalim ng liderato ni Manuel V. Pangilinan, ay naghatod ng ayudad sa mga nawalan ng tahanang pamilya sa Bacoor City, at nagbigay ng 500 Liters ng 70% ethyl alcohol.
Ang Bacoor na kamakailan ay nasa ilalim ng quarantine dahil sa pagkaroon ng tatlong kumpirmadong COVID-19 cases, ay inayudahan ng donasyon para makatulong sa pamilyang manatiling ligtas.
Nakapagkaloob din ang One Meralco Foundation ng 300 packs ng relief goods sa lokal na pamahalaan ng Bacoor para sa pamilya na nabiktima ng sunog habang ang Maynilad ay nagkaloob ng 30 sako ng bigas at 1,000 piraso ng bottled water.
Ang Tulong Kapatid ang gumagawa ng mga paraan sa punto ng disaster preparedness at responde, education, at community building.
Kabilang sa mga miyembro ang PLDT-Smart Foundation, One Meralco Foundation, Metro Pacific Investments Foundation, TV5’s Alagang Kapatid Foundation, Makati Medical Center Foundation, Cardinal Medical Charities Foundation, MVP Sports Foundation, gayundin sa community relations at public affairs units of PLDT-Smart, Philex Mining Corp., Roxas Holdings, Inc., at subsidiaries sa ilalim ng Metro Pacific Investments Corp. Louis Pangilinan