Pinagharian ni Chester Neil Reyes ng Rodriguez, Rizal ang katatapos na Ring King Donut Cup Arena na tinampukang Ashan Dee birthday celebration online chess tournament nitong Martes, Oktubre 27, 2020.
Si Reyes na top player ng National University sa gabay ni coach United States master Jojo Aquino ay tumapos ng 102 points s 37 games na may win rate 81 percent at performance rating na 2603.
Naibulsa nya ang overall title sa online-only event na inorganisa ng Bayanihan Chess Club na suportado nina Ashan Dee at Mr. Wagish Kumar Rai ng Frontier Wheels.
Tumapos si Sherwin Tiu ng Manila sa second spot na may 78 points sa 39 games na may win rate 62 percent para sa performance rating 2482.
Nasa third place naman si Rommel Ganzon ng Cebu na may 75 points mula 35 games na may win rate 69 percent para sa performance rating 2498. May similar 75 points din si fourth placer Fide Master Roel Abelgas ng Dasmarinas City, Cavite.
Ang mga nakapasok sa top 10 ay sina Chin Lim ng Quezon City (5th), Singapore based Fide Master elect Robert Suelo (6th), Kevin Arquero ng General Trias City, Cavite (7th), Narquingel Reyes (8th) at Fide Master Narquingden Reyes ng Rodriguez, Rizal (9th) at Adrian Esteva ng Antipolo City, Rizal (10th)