by Marlon Bernardino
Pinagharian ni dating child prodigy Grand Master (GM) Mark Paragua sa katatapos na Baby Uno Chess Challenge na tinampukang Freddie Busaco Birthday Online Chess Tournament nitong Lunes (Setyembre 14, 2020) sa lichess.org.

Tumapos ang New York, USA based Paragua ng undefeated na may 10.5 points mula 10 wins at 1 draw sa 11 games para magkampeon sa event na nilahukan ng mga Filipino woodpushers sa iba't-ibang panig ng mundo.

Ating magugunita na si Paragua din ang nagwagi sa 81st Birthday celebration ni engineer Antonio Carreon Balinas nitong Agosto 22, ang 79th Birthday celebration ni Grandmaster at Attorney Rosendo Carreon Balinas Jr. Chess Championship nitong Setyembre 6 at ng Stay  Home Arena tilt sponsored ni former NCFP director Boojie Lim nitong Setyembre 6.

Habang bida din si veteran campaigner Sherwin Tiu took na nakopo ang second spot na may undefeated record din na 9.5 points mula 8 wins at 3 draws.
Nasa third place si Dubai, United Arab Emirates based Rocky Pabalan na may 9 points.Ang nasabng event ay inorganisa ng Bayanihan Chess Club sa gabay nina Arena Grandmaster Marlon Bernardino at Genghis Imperial kung saan punong abala si businessman Freddie Busaco.

Nanguna naman si Grandmaster (GM) Darwin Laylo sa huge group ng 8.5 pointers na kinabibilangan nina Mark Louie Velasco, National Master (NM) Edsel Montoya, National Master (NM) Elwin Retanal, Arena Grandmaster (AGM) Henry Lopez, Jess Calabia, Allerie Somosot Jr., Jerome Villanueva, Fide Master (FM) Jesse Noel Sales at Ritchie Evangelista.-Marlon Bernardino-