Page 2 of 2
by Marlon BernardinoNakapuwersa ng tabla si International Master Paulo Bersamina kontra kay 13-time Philippine Open champion Grandmaster Rogelio "Joey" Antonio Jr. matapos ang 57 moves ng Ruy Lopez Opening tangan ang black pieces para manatili sa solong liderato matapos ang eleven rounds ng 2019 GM Rosendo Balinas Memorial Cup chess championship na ginanap sa Activity Hall, Second Floor Alphaland Makati Place sa Malugay Street, Makati City nitong Sabado.
May 8.0 points din si Grandmaster Darwin Laylo na napuwersa din sa fighting draw kontra kay Rolly Parondo Jr. sa 54 moves ng London System Opening.
Giniba ni Sherwin Tiu si National Master Carlo Magno Rosaupan sa 38 moves ng Kings Indian defense para umakyat sa solo fourth na may 7.0 points.
Panalo din si International Master Daniel Quizon kontra kay Kevin Mirano sa 28 moves ng French defense tungo sa 6.5 points para sa fifth place, half-point-ahead kay Grandmaster John Paul Gomez na may 6.0 points.
Nasilayan din si International Master Chris Ramayrat na nakipaghatian ng puntos kay International Master Ricardo De Guzman sa 31 moves ng Petroff defense habang kinaldag ni Alfredo Rapanot si International Master Angelo Young sa 44 moves ng Pirc Modern defense at tabla si National Master Julius Sinangote kay Michael Concio Jr. sa 37 moves ng Veresov Opening.-Marlon Bernardino-