NAGING matagumpay ang mahigpitan sulungan ng mga mahuhusay na chess afficionados sa katatapos na Virac Open 2100 & Kiddies U13 2000 Invitational Chess Championship na ginanap ng Disyembre 8-9, 2018 sa JMAMES Jose M. Alberto Memorial Elementary School, Virac, Catanduanes. Ito ay nilahukan ng 59 players sa Open at 35 sa Kiddies U13.
Ang paliga ng Chess ay itinaon sa fiesta ng Virac ay sinuportahan nina Mayor Samuel Laynes at Vice-Mayor Arlyn Arcilla. Pinamunuan ito nina tournament Director Bony Gianan Molina at Adviser Atty. Gilbert Suarez ng Virac Chess Club. "Ang paliga po namin dito sa bayan ng Virac ay taunan isinasagawa upang makatulong sa mga kabataan maging athlete scholar na mabigyan ng opportunity sa mga sikat na school ng NCAA o UAAP".
Nakopo ni top seed Roger Pesimo na may score na 6.5 pts ang 10,000 pesos at eleganteng tropeyo samantalang solo rin tinanggap ni top seed Jeremy Marticio 6.5 pts. ang 7,000 pesos at eleganteng tropeyo. Si Pesimo ay mula sa Naga, Camarines Sur at si Marticio na taga Binan, Laguna.
Ang mga pumuwesto din at nakatanggap din ng maagang pamasko sa Virac Open ay sina: Florante Magno, Angustia Capa, Dante Magno, Mario Uy, Joseph Mendoza, Rael Gianan, Roilo Buhay, Ricardo Copones, Janneth Mercader, Ace Pajarillo, Marvid Zuniega, Ronald Nonito San Antonio, Moises Ubalde at Ronnie Lumbao. Sa Kiddies U13 ay sina: Jersey Marticio, Arianne Pearl Caalim, WFM Antonella Berthe Racasa, Kurth Mercader, Aahron Joshua Tubalinal, Michael James Osorio, Francis Caezar Urbano, James Patrick Pacao, Jenzo Joson, Faith Love Olalo, Ricdaniel Gorostiaga, Chyron Ignacio, Aieona Mendoza, Jessa Mae Tarrago. Ang mga tournament officials ay sina CA2 Gabriel Tardecilla, Henry Dela Rosa at Jonel G. Aznar.-Marlon Bernardino-