Final Standings: (11 Round Swiss-system, 5 minutes + 3 seconds increment time control format)
8 points---Rey Reyes, Jaime Joshua Frias II
7.5 points---Arjoe Loanzon, John Franz De Asis, Arman Subaste
7 points---Arjie Bayangat
6.5 points---Dandel Fernandez, NM Robert Arellano, Cliburn Anthony Orbe
Makati City---Pinagharian ni Ateneo De Zamboanga University (ADZU) Senior High School Principal Prof. Rey Reyes ang katatapos na Philippine Executive Chess Association (PECA) Grand Finals Blitz Chess Championships na ginanap sa Activity Hall, 2nd Floor, Alphaland Makati Place, Ayala Avenue corner Malugay Street, Makati City Linggo ng gabi.
Si Reyes na suportado ang kanyang kampanya niya dito nina ADZU president Fr. Karel San Juan, SJ at Vice President for Basic Education Fr. Stephen Abuan, SJ ay nakaungos kontra kay Lloyd Lanciola ng Iloilo sa eleventh at final round para maiuwi ang titulo.
Sina Reyes at sportswriter Jaime Frias II ay parehong nakalikom ng tig 8 points, subalit nakopo ang titulo ng una dahil sa mataas ang tie break points sa huli.
Si Frias na dating Barangay Chairman sa Cagayan de Oro City ay nagwagi kontra kay lawyer Cliburn Anthony Orbe ng Alphaland Corporation para makahabol kay Reyes sa ituktok.
Ang iba pang nakapasok sa Top 9 ay sina 3rd placer engineer Arjoe Loanzon (7.5 points), 4th placer John Franz De Asis (7.5 points), 5th placer Professor Arman Subaste (7.5 points), 6th placer engineer Arjie Bayangat (7 points), 7th placer Dandel Fernandez (6.5 points), 8th placer National Master and engineer Robert Arellano (6.5 points) at 9th placer Orbe (6.5 points).
Si National Arbiter Alexander "Alex" Dinoy ang nagsilbing chief arbiter habang ang kanyang assistant ay sina national arbiters Alfredo Chay at Christian Javier.
Mismong si Chess Arbiter Union of the Philippines (CAUP) president Red Dumuk na executive director din ng National Chess Federation of the Philippines ang nanguna sa closing rites.-Marlon Bernardino-