Dasmariñas City, Cavite---Isa lamang ang nasa isipan ng magkapatid na Gabrielle Anne at Gwyneth Melody Perez na makapasok sa main draw ng Southern Tagalog Calabarzon Athletic Association (STCAA) chess meet.

Si Gabrielle Anne Perez, 11-years-old at grade 6 pupil ng Haven of Virtue Excellence Academy Inc. ay sariwa pa sa gakopo ng gold medal sa E4-1 category sa tinampukang Kaoshiung Speaker Cup Chess Competition nitong Nobyembre 8 hanggang 13, 2018 na ginanap sa Kaohsiung Sports Complex Stadium sa Kaoshiung, Taiwan.

Habang si Gwyneth Melody Perez, 14, grade 9 pupil ng Samuel Christian College ay nagwagi din ng gold medal sa D4-1 category.

Ang magkapatid na Gabrielle Anne at Gwyneth Melody Perez ay muling masisilayan sa Cavite Provincial chess meet mula Disyembre 5 hanggang 7, 2018 na gaganapin sa Dasmariñas City, Cavite.

Inaasahang mangunguna sa pagbubukas ng nasabing chess meet na tampok ang mga mag-aaral ng Cavite province ay sina Dasmariñas City, Cavite mayor Elpidio "Pidi" Barzaga Jr. at national coach International Master Roel Abelgas.

Ang magwawagi sa Cavite Provincial chess meet ang kakatawan sa Cavite Province para sa susunod na taon na Southern Tagalog Calabarzon Athletic Association (STCAA) chess meet.-Marlon Bernardino-