MASISILAYAN ang ilan sa mga batikang manlalaro ng Cavite na kinabibilangan nina Erwin Calar, Eduardo Tungia at Lourecel Hernandez-Ecot sa pagtulak ng Canon Carlsen Kasparov Chess Club's Weekly Open Rapid Chess Tournament na tinampukang Imus Open Rapid Chess Championships sa darating na Linggo, Oktubre 14, 2018 na gaganapin sa City Mall sa Aguinaldo Highway, Imus, Cavite.

Ayon kina CNA Byron Villar at NA Israel "Ice" Landicho na tumatayong organisador ng tuwing Linggo na torneo (October 14, 21, at 28, 2018) o Canon Carlsen Kasparov Chess Club's Weekly Open Rapid Chess Tournament ay tatangap ang magkakampeon ng P10,000 kung saan ay maibubulsa naman ng runner-up place ang P5,000, habang nakalaan naman sa third placer ang P3,000.

Ang top three finishers para sa Top 2000 and below at Top 2200 and below ay mag-uuwi ng tig P3,000, P2,000 at P1,000, ayon sa pagkakasunod. Libre ang registration fee ng Grandmaster at International Master habang ang tournament registration fee ay P600.

Ang seven-round Swiss system tournament ay bukas sa lahat ng manlalaro, rated o unrated, anuman ang kanilang kasarian at edad na ipapatupad ang time control ay 30 minutes bawat manlalaro para tapusin ang laro sa event na suportado ng Citymall, Dugout Sports Bar and Music Place, Molded Mind Chess, sanctioned ng the National Chess Federation of the Philippines at pangangasiwaan ng Chess Arbiter Union of the Philippines. (Marlon Bernardino)