by Marlon Bernardino
TAMPOK ang power house ng National University (NU) chess team sa paglahok sa tinampukang Chief PNP (Philippine National Police) Cup King of the Board Chess Challenge na may temang "Push Pawns Not Drugs" na iinog ngayun Linggo, Mayo 13, 2018 na gaganapin sa Camp Crame, Quezon City.

Ayon kina NU team manager Samson Go at coach Jose "Jojo" Aquino, certified United States Chess Federation (USCF) master, ang NU Bulldogs chess team ay ipaparada sina Woman Fide Master (WFM) Allaney Jia Doroy, Jayson Danday, Dennis Gutierrez Jr., Ryan Christian Magtabog, Robin Ignacio, Neil Conrad Pondoc, Rafael Caneda, Ruther Barredo, Brylle Gever Vinluan, Antonio Almodal III, Natasha Balabo at Nicole Princess Ballete.

Sina WFM Doroy, Danday at Gutierrez Jr. ay beterano na sa international competition kung saan mga nag gold medallist na din sa ASEAN Age group chess championships.

Nitong Abril, ang NU senior mens' team ay nasikwat nila ang three-peat title sa 80th season ng University Athletic Association of the Philippines (UAAP) chess team championships na ginanap sa University of Santo Tomas 1st floor QPAV Bldg. sa España, Manila. Runner-up place naman ang NU Junior chess team sa kandili nina team manager Samson Go at coach Jose "Jojo" Aquino, certified United States Chess Federation (USCF) master.

Samantala ayon kay tournament organizer Joms Mendoza Pascua sa tinampukang Chief PNP (Philippine National Police) Cup King of the Board Chess Challenge na may temang "Push Pawns Not Drugs" ay nakataya ang top prize P10,000 plus elegant trophy ang magkakampeon sa Open division habang P3,000 plus elegant trophy naman ang nakalaan sa kiddies division sa event na sinuportahan nina PMA Class 92 PSSUPT Jose Melencio Nartatez, PSSUPT Jonnel C. Estomo, PNP chess club adviser PSUPT Jonas Escarcha at PSUPT Peter Limbauan ng PNP Special Service.