by Marlon Bernardino
MAS kinakitaan ng husay at determinasyon na manalo si Davey Alumisim sa kanyang championships match kontra kay Jake Sarco para kunin ang titulo sa katatapos na chess tournament nitong Linggo, Abril 22, 2018 sa Multi-Purpose Hall, Sto. Nino covered court ng Barangay Sta. Cruz, Antipolo City.

Tumapos si Alumisim ng may malinis na kartada na limang panalo sa limang laro para tangapin ang top prize P3,000 plus trophy kina tournament director Jason Rojo, Chief Supervising Arbiter Jose Suela, Sonny dela Rosa, Paul Cantonao at sportswoman Jenica Josue ng Barangay Sta. Cruz Chess Club Inc.

Napako naman sa 4.0 puntos si Sarco, kaparehas ng puntos na naitala nina Anthony Benito, Jhigger Aviles, Gilbert Balaysoche, Janfred Godoy, Jehf Benas at tournament favorite Gilbert Pama.-Marlon Bernardino-