TINALO ni Woman Candidate Master Kylen Joy Mordido ng Dasmariñas City, Cavite kontra si Mary Joy Tan ng Misamis Oriental para ihatid ang Region IV-A-Southern Tagalog Calabarzon Athletic Association (STCAA) sa titulo at gold medal sa Individual Standard Competition ng 2018 Palarong Pambansa Chess Tournament Girls, Secondary division na ginanap sa Vigan City, Ilocos Sur nitong Biyernes.
Si Mordido na produkto ng Dasmariñas Chess Academy na itinatag nina Dasmariñas mayor Elpidio "Pidi" Barzaga Jr. at congresswoman Jenny Barzaga ay nakaipon ng 6.5 puntos sa pitong laro.
Nakaipon naman si Elah Sarelle L. Perez ng De La Salle-Lipa ng 4.0 na puntos para makasama si Mordido sa pagsikwat ng gold medal sa Standard Team event para sa koponan ng Region IV-A-Southern Tagalog Calabarzon Athletic Association (STCAA).
Ang iba pang miyembro ng Region IV-A-Southern Tagalog Calabarzon Athletic Association (STCAA) na nag-uwi ng medalya ay sina Mark Jay D. Bacojo ng Dasmariñas City (Gold- Team Standard, Silver- Individual Standard, Silver- Team Blitz at Bronze- Individual Blitz); Daniel M. Quizon ng Dasmariñas (Gold- Team Standard, Silver- Individual Standard, Bronze- Individual Blitz at Bronze- Team Blitz), Michael O. Concio Jr. ng Dasmariñas (Gold- Team Standard, Bronze- Team Blitz) at Jeremy B. Marticio ng Biñan, Laguna (Gold- Team Standard at Silver- Team Blitz).
Lubos naman nagpapasalamat sina national coach International Master Roel Abelgas at 2017 Malaysia ASEAN Para Games gold medallist Arman Subaste, bahagi ng coaching staff ng Dasmariñas Chess Academy kina nina Dasmariñas mayor Elpidio "Pidi" Barzaga Jr. at congresswoman Jenny Barzaga sa kanilang walang humpay na pagsuporta sa Dasmariñas Chess Academy chess team sa lokal at internasyunal chess tournament.
-Marlon Bernardino-
@@@
Masayang ipinakita ni Mark Jay D. Bacojo ng Dasmariñas City ang kanyang medalya na napanalunan sa katatapos na 2018 Palarong Pambansa Chess Tournament Boys, Elementary division na ginanap sa Vigan City, Ilocos Sur nitong Biyernes.
Si Bacojo na produkto ng Dasmariñas Chess Academy na itinatag nina Dasmariñas mayor Elpidio "Pidi" Barzaga Jr. at congresswoman Jenny Barzaga ay nakapag-uwi ng Gold- Team Standard, Silver- Individual Standard, Silver- Team Blitz at Bronze- Individual Blitz.