by Marlon Bernardino
MANILA---Nagwagi ang Wesleyan University – Philippines (WUP) Chess Knights nang mauna sa team category para sa parehong Chess Men and Women sa katatapos na Regional Private Schools Athletic Association (PRISAA) na ginanap noong Mayo 2-6, 2023 sa Columban College, Inc., Barretto Campus sa Olongapo City.

Ang 1st at second runner-up para sa team competitions ay ang Columban College at Guaga National Colleges (GNC) para sa mga lalaki at babae, ayon sa pagkakabanggit.

Ang mga miyembro ng WUP Champion Team, na tinuruan ni Dr. Gener Subia, ay sina Era Bauto (CAS), King-Wilfred Silverio (COED), Joshua Navarro (CBA), Crisjohn Paolo Vilar (CECT) para sa mga lalaki at Christine Mae Gamboa (CBA) , Micah Serrano (CBA), Queen Juliet Besa(CONAMS), Sheena Princess Bon (CECT) para sa mga babae. Kakatawanin nila ang Rehiyon 3 sa Pambansang PRISAA sa Hulyo 2023 sa Zamboanga City kasama ang mga piling malalakas na manlalaro mula sa Meycauayan College (Rhen Cristobal & Arvie Aguilar), Columban College (Camille Anne Pasiderio at Megan Lopez), Guaga National Colleges (Franchezka Paule) at mula sa WUP high school (Frenz Jeremy Ramos).
Lubos ang pasasalamat ng WUP Chess Knights sa Wesleyan Management, heads, faculty, staff, students, alumni at lalong-lalo na sa kanilang Sports Director, Dr. Henry Cocoly Nacpil at sa kani-kanilang mga dean, Dr. Marietta Agustin (CAS), Engr. Yolanda Claudio (CECT), Dr. Juan Jerome Malaca (CBA), Prof. Rodolfo Reyes II (COEd), Dr. Ivan Uy & Prof. Judiliza Velayo (CONAMS).

Si G. Jeral Reyes ang gumanap bilang technical official habang si NA Francisco Gabriel Prevandos ay nagsilbing chief arbiter sa Regional Chess Tournament na pinamamahalaan ni Dr. Reymille Zamora.-Marlon Bernardino-