Team RP maganda ang simula sa Serbia, FIDE Chess Olympiad for People with Disabilities

Team RP maganda ang simula sa Serbia, FIDE Chess Olympiad for People with Disabilities

Team RP maganda ang simula sa Serbia, FIDE Chess Olympiad for People with Disabilities

Share to Facebook Share to Twitter Share to Google Plus

by Marlon Bernardino
MANILA---MALAKAS na sinimulan ng Philippine chess team ang kanilang kampanya sa pagbubukas ng FIDE Chess Olympiad for People with Disabilities na ginanap sa Belgrade's Crown Plaza Hotel sa Belgrade, Serbia nitong Lunes.


Nagposte ang PH chess team ng 3.5-0.5 victory kontra sa kanilang Uzbekistan counterparts.
Sina Fide Master Sander Severino, National Master Henry Roger Lopez at National Master Darry Bernardo ang nagtala ng importanteng panalo habang si Cheyzer Crystal Mendoza ay nag ambag ng tabla sa kanyang laro.


Si Severino, ang 2018 International Physically Disabled Chess Association (IPCA) World Online Chess Rapid Champion ay tinalo si Sirojiddin Zaynidinov sa Board 1, angat si Lopez kay Sardorbek Mamarajabov sa Board 2, pinasuko naman ni Bernardo si Marsel Shayusupov sa Board 3 habang tabla si Mendoza kay Axadxon Kimsanboyev.


“I am happy with the performance. Hope mahawakan natin ang magandang momentum", sabi ni PH chess team coach National Master James Infiesto.
Tatlong koponan, ang FIDE, India, at Romania ang nagtala ng perfect 4-0 score. Hindi naman pinalad ang tournament favorite Croatia na natalo sa Serbia 2 na naging dahilan na pinakamalaking upset sa Round 1.


Lagpas sa 100 players mula 33 countries ang nakilahok sa nasabing event.
"The time control is 90 minutes for the first 40 moves followed by 30 minutes for the rest of the game with an addition of 30 seconds per move starting from move one. Default time is 15 minutes." ayon pa kay PH coach Infiesto.-Marlon Bernardino-
Makikita sa larawang ito ay sina
Fide Master Sander Severino at National Master Henry Roger Lopez. CTTO