Pinagharian ni International Master Daniel Quizon ng Dasmarinas City, Cavite ang katatapos na 2nd Major Jose Falco Memorial Chess Tournament virtually na ginanap sa Lichess Platform nitong Marso 3, 2022.

Ang 17-year-old Quizon ay naka kolekta ng twelve points mula sa twelve wins at two loses para magkampeon sa fourteen-round swiss system tournament na sinuportahan ni Cynthia Falco na inorganisa ng YCAW foundation sa gabay ni International Master Angelo Abundo Young sa pakikipagtulungan nina Daphne Dy at Francois Marie Magpily ng Chess gaming duo, Dr. Jenny Mayor, Ted Castro, Nonoy Rafael at US master Florentino Inumerable.

Ating magugunita na si Quizon ay sariwa pa sa paghahari sa Kamatyas Rapid Invitational Chess Championship (Over The Board) nitong Pebrero 19, 2022 na ginanap sa MultiSys Headquarters Multinational Village sa Paranaque City.

Si Quizon mula sa kandili nina Rep. Elpidio "Pidi" Barzaga Jr. at national coach Fide Master Roel Abelgas ang nagkampeon din sa 2021 Philippine National Championship na ginanap sa Solea Hotel and Resort sa Mactan, Cebu nitong Disyembre 14, 2021.
Si Mark Gerald Reyes ng Rodriguez, Rizal ang tumapos ng second overall na may 11.5 points mula ten wins, three draws at one loss.
Sina Samson "Chin" Lim ng Quezon City, National Master Eric Labog Jr. ng Solano, Nueva Vizcaya at Rommel Ganzon of Cebu ay magkasalo sa 3rd hanggang 5th na may tig 11.0 points.

Mga nakapasok sa top ten (10) ay sina Jan Clifford Labog ng Solano, Nueva Vizcaya (sixth, 10.5 points), International Master Ronald Dableo ng Manila (seventh, 10.5 points), National Master Jerish Velarde ng Cebu (eight, 10 points), National Master Henry Roger Lopez ng Panabo City, Davao del Norte (ninth, 10 points) at Ariel Santander ng Trece Martires, Cavite (tenth, 10 points).

Makikita sa file photo si International Master Daniel Quizon (photo from Daniel Quizon fb account).