Chess tourney dadako sa Pagadian
by Marlon Bernardino
MANILA---Nakatakdang ilunsad ang Mayor Samuel "Sammy" S. Co Pasalamat Festival 2022 Individual Rapid Chess Championship (Over the Board) sa Enero 12 at 13, 2022 na gaganapin sa Rotunda Building 2nd Floor sa Pagadian City.

"Players must be vaccinated to join (single dose is considered)," sabi ni Mr. Jezreel Lopez.
"Pagadian is the fastest growing city in Mindanao," ani pa Mr. Lopez.
Ang  2-day event ay suportado ng City Government ng Pagadian mula kay Mayor Sammy S. Co, na inorganisa ng PagZamSur Professional Chess Players Association at ng Brotherhood of Knights of the Squaretable, Inc.

Nakalaan sa magkakampeon ang P15,000. May matatangap ang second placer ng P10,000, third P6,000, fourth P4,000, fifth P2,000 at sixth P1,000.

May maiuuwi ang seventh hanggang tenth places na tig P700 habang ang 11th hangang 15th place ay mag-uuwi ng tig P500. Sa mga makakapasok sa top 25th place ay magbubulsa ng tig P300.
May special prizes para sa top performer Executive, Senior, Junior, Kiddy at Lady.
Sa registration at inquiries, mag call o text sa mobile number: 09706996769.-Marlon Bernardino-
Isang file photo sa pagitan nina Mr. Jezreel Lopez ng Pagadian City (kanan) at dating Asian Junior Champion International Master Ricardo de Guzman ng Antipolo City, Rizal. (photo from Mr. Jezreel Lopez fb account)