MANILA, Philippines---Pinagharian ni University of Santo Tomas top chess player Samson Chhiu Chhin Lim ang katatapos na Grandmaster Rosendo Carreon Balinas Jr. Memorial Open Chess Tournament virtually na ginanap sa Lichess.org Platform nitong Linggo, Setyembre 26, 2021.
Dahil sa mas mataas ang tie break ni Lim na naging dahilan para makopo ang coveted title at P10,000 cash prize sa one day event hosted nina Dr. Joe Balinas at Engr. Antonio "Uncle Paps" Balinas ng organizing Bayanihan Chess Club at suportado ng GM Balinas and Family.
Sina Lim at Chester Neil Reyes ay kapwa nakaipon ng 17.5 points sa 20 Rounds Swiss System Bullet Online Tournament.
Ang 21 years old Lim ay nasa pangangalaga nina UST head coach GM candidate Ronald Dableo at GM Darwin Laylo.
Habang ang 16 years old Reyes na ipinagmamalaki National University ay nakatangap ng runner-up purse P6,000 sa kanyang efforts.
Nasa third place si Fide Master Alekhine "Bbking" Nouri na nag-uwi ng P5,000.
Sumunod si National Master Mark Jay Daños Bacojo sa fourth place para sa P4,000 at Fide Master Robert Suelo Jr., fifth place para sa P3,000.
Mga pasok sa top 10 finishers na nagbulsa ng tig P2,000 ay sina sixth Fide Master Nelson Villanueva, seventh two-time Asian Junior Champion Grandmaster Rogelio "Banjo" Barcenilla, eight Allan Pason, ninth Anatoly Pascua at tenth Aljie Cantonjos.