Naging matagumpay ang pagbubukas ng N1 IIEE (Integrated Electrical Engineers of the Philippines, Inc.) National Chess Olympiad na tampok ang 96 players sa chapter team battle game na ginanap nitong Setyembre 10 ganap na 9pm at 90 players sa 7pm sa Regional Team battle.
Ang Chapter team Bracket A winners ay ang IIEE Iloilo ang nanguna na sinundan ng IIEE Southern Laguna (SLC) at IIEE CDO. Si Eric Frigillana ang nanguna sa IIEE Metro South para sa top the scorer na may 13 points na sinundan nina Jeremiah Nolasco (SLC) na may 11 pts. at Arjun Crisologo (CDO) na may 10 pts.
Chapter team Bracket B winners naman ay ang IIEE Metro Central (MCC) na nakabuntot ang IIEE Cebu at IIEE Camarines (Bicol).Si Jorex Colmo ng Abu Dhabi-UAE ang bida na may 13 points kung saan ay nasa likuran Jeff Pascua ng Cavite at Joselito Alejano (MMC).
Chapter team Bracket C winners naman ay ang IIEE Southern Tagalog (BQM o Batangas-Quezon-Mimaropa) na nakasunod ang IIEE Metro West (MWC) at IIEE Metro East (MEC). Si Apollo Zantua (MWC) ay naka kolekta ng 16 points na sinundan nina Glenn Zenarosa (WRSCA) na may 12 pts. at Mark Eric Pilanga ng IIEE Bulacan.
Ang Chapter team Bracket D winners ay ang IIEE Bahrain, IIEE Bataan at IIEE Metro North (MEC). Angat sina Henry Malinis (Bahrain) 13 pts. at Jayson Hilario (Bataan) at Alexander Piad (Bahrain na may tig 12, 11 pts.
Sa Regional Team Battle angat ang IIEE Metro Manila Region (MMR) na sinundan ng IIEE Eastern/Central Visayas Region (ECVR) at IIEE Southern & Western Mindanao Regions (SWMR) with 41. Ang top 3 players ay sina Joselito Alejano (MMR) na may 12 pts. at Marlon Bulao (SWMR) at Chester Concordia ng Southern Luzon Region (SLR) na may tig 10 pts.
May special Regional Team Battle sa Setyembre 16, 2021 sa pagdaraos ng 20th Eastern Central Visayas Regional Conference.
Ang Olympiad ay ginabayan nina consultant FIDE National Arbiter Richard R. Dela Cruz, tournament director, former IIEE Bulacan chapter president Norberto De Jesus at 2021 IIEE National President Allan Anthony P. Alvarez.