by Marlon Bernardino
MANILA, Philippines---Ipinamalas ng defending champion Laguna Heroes ang kanilang husay Miyerkoles (Hunyo 16, 2021) sa isang online tournament ng Professional Chess Association of the Philippines (PCAP) na tinampukang Grandmaster Wesley So Cup matapos manalo sa kanilang matches via chess.com platform.

Binuksan ng Heroes ang kanilang kampanya sa 21-0 domination kontra sa Surigao Fianchetto Checkmates kasunod ng 14.5-6.5 pag giba sa Toledo City Trojans tungo sa 13-4 win-loss record, sapat para makisalosa 3rd at 4th kasama ang Caloocan Loadmanna Knights.
"We hope to do even better in the succeeding matches and improve our overall standing,” sabi ni Dr.Fred Paez, isa sa pat na co-team owner ng Laguna Heroes na kinabibilangan nina Mr. David Nithyananthan ng KALARO, Engr. Benjamin Dy ng SDC Global Choice at Engr. Jonathan Mamaril ng Oregon.
Suportado ng Greatech Philippines, Inc., SDC Global Choice, Jolly Smile Dental Clinic, KALARO at Rotary Club of Nuvali, ang Laguna ni AGM Dr. Alfredo Paez at squad ay panalo ng 4, draw 1 at 2 loses sa Blitz category kung saan sa Rapid category ay nag marka ng 10-4 victory.
Nagawang talunin ng Laguna ang Toledo sa rapid portion dahil sa pagkamada ng panalo nina two-time Asian Junior champion Grandmaster Rogelio "Banjo" Barcenilla Jr. (Board 1), sub-import Ukrainian Grandmaster Kirill Shevchenko (Board 2), Woman National Master Jean Karen Enriquez (Board 3) at Vince Angelo Medina (Board 6).
Winasiwas ni Barcenilla kontra si sub-import Iranian Grandmaster Amir Bagheri sa 41 moves ng Caro-Kann Defense, Accelerated Panov variation, angat si Shevchenko kay National Master Rommel Ganzon sa 75 moves ng Petroff defense, na checkmate naman ni Enriquez si Jinky Catulay sa 51 moves Sicilian defense, Grandprix variation at binasura naman ni Medina si Ariel Joseph Abellana sa 29 Caro-Kann defense.
Tabla naman si Fide Master Jose Efren Bagamasbad (Board 4) kontra kay International Master Rico Mascarinas sa 67 moves ng English Opening maging si Grandmaster John Paul Gomez (Board 5) ay naki hati ng puntos kay Richard Natividad sa 40 moves ng Indian Game, East Indian defense.
Itinarak naman ni Redentor Nailon Toledo (Board 7) ang bukod tanging panalo ng Toledo matapos gibain si Aaron Kimuel Lorenzo sa 53 moves ng Caro-Kann defense, Panov Attack variation.
Target ng Heroes na maipagpatuloy ang kanilang pananalasa at pagkopo sa  no. 1 spot sa Northern Division sa pakikipag harap sa Zamboanga Sultans at Camarines Soaring Eagle sa Sabado, Hunyo 19, 2021.
Ang iba pang miyembro ng winning Laguna Heroes chess team na suportado ng Greatech Philippines, Inc., SDC Global Choice, Jolly Smile Dental Clinic, KALARO at Rotary Club of Nuvali ay sina Candidate Master Arjie Bayangat, Mr. David Nithyananthan ng KALARO, Engr. Benjamin Dy ng SDC Global Choice at Engr. Jonathan Mamaril ng Oregon, USA.-Marlon Bernardino-
Makikita sa larawang ito si two-time Asian Junior champion Grandmaster Rogelio "Banjo" Barcenilla Jr., panalo kontra kay sub-import Iranian Grandmaster Amir Bagheri sa 41 moves ng Caro-Kann Defense, Accelerated Panov variation sa kanilang Rapid game.