Pinagharian ni 7-time Philippine Executive Chess Champion Dr. Jenny Mayor ng Cajidiocan, Romblon ang katatapos na 11th Edition ng Romblon Chess Club Blitz online chess tournament via lichess.org nitong Linggo.
Umasa si Dr. Mayor sa kanyang experience para makopoa ng first title sa chessfest sponsored nina DILG Regional Director James Fadrilan, DILG MLGOO Carlito Faina Jr., DSWD MIMAROPA RIO III Engr. Ernie Faeldonia, Engr. Arc Hindap, Engr. Chevruel Canulo at ng Mayor Dental Clinic.
Nakapagtala si Dr. Mayor ng 9 points, zero draws, at loss sa 1st round by default.
Nasilayan sa event tampok ang 46 All-Romblomanon Chess Players na ipinatupad sa Swiss System total of 10 games na may time control 5 minutes at zero increments.
Pasok sa top 10 ay sina Nephtali Bantang (2nd), Bryan Blair Fallarme (3rd), engr. Ernie Faeldonia (4th), Orly Pascual (5th), Jerry Morada Jr. (6th), John Paul Canulo (7th), Meliton Yu (8th), Yaneah Sofiah Morada (9th) at Carlito Faina (10th).-Marlon Bernardino-
Masisilayan si 7-time Philippine Executive Chess Champion Dr. Jenny Mayor ng Cajidiocan, Romblon (kaliwa) bago ang pandemic.