Gilas pokus versus Italy

Gilas pokus versus Italy

Dibdiban ang ginagawang paghahanda Gilas Pilipinas para sa kanilang buwenamanong laro sa 2019 FIBA World Cup sa pagsagupa kontra powerhouse team na Italy.

Sinabi ni Gilas head guru Yeng Guiao na ito na ang pinakamahalagang giyera na haharapin ng mga Pinoy cager.

Sinabi ni Guiao, lahat ng resources at oras ba nila ay nakapokus sa Italian squad, na inaasahang babanderahan nina NBA players Danilo Gallinari at Marco Belinelli.

Inaasahan din nilang magiging todo ang puwersa na ibubuhos ng Italy, kaya kailangan daw nila ang lahat ng tulong na maaari nilang makuha.

“We’re going to have to face a stronger team with Gallinari and Datome playing but more or else we’ve familiarized ourselves with what they do and their players,” paliwanag ni Guiao.

Dabi pa ng beteranong mentor, makakatapak pa sila sa second round ng World Cup kung mananalo sila kontra Italy at Angola.

Aminado kasi si Guiao na malabo ang tsansang masilat nila ang Serbia, na pangungunahan ni Nuggets big man Nikola Jokic.(Louis Pangilinan)