Thurman: Knockout o TKO kay Pacquiao

Thurman: Knockout o TKO kay Pacquiao

ni Louis Pangilinan
Puntirya ni Keith "One Time" Thurman ang makaiskor ng knockout win sa Sabado, July 20, (linggo sa Pinas) sa pagdepensa ng kanyang WBA welterweight crown laban kay Manny Pacquaio.

Ang Thurman vs. Pacquiao ay main event ng Premier Boxing Champions sa FOX Sports Pay-Per-View event buhat sa MGM Grand Garden Arena sa Las Vegas.

Si Pacquiao (61-7-2, 39 KOs) ay kasasabak lang sa naturang lugar nung Enero, nang dominahin niya si four division world champion Adrien Broner sa loob ng twelve rounds para selyuhan ang lopsided unanimous decision win.

Nun ding January, nahirapan muna si Thurman bago naitawid ang 12 round majority decision win kay Josesito Lopez.

Ang nasabing upakan ang nagpa -lie-low kay Thurman sa loob ng 22-buwang pahinga sa ibabaw ng ring.
Bago 'yan, si Thurman (29-0, 22 KOs), 30, ay nakapulot ng split-decision win kontra 2-division title winner Danny "Swift" Garcia noong March 2017.

Paniwala ni Thurman na si Pacquiao, 40-years-old, ay nasa bingit na ng takipsilim.

"Does Manny belong in the ring with a fighter in his prime? Is Keith Thurman still Keith 'One Time' Thurman after some vulnerability against Josesito Lopez?" palatak ni Thurman.

"Of course, I'd like to get the knockout or TKO, but either way, you're going to see a world class performance that has me standing alone on top of a division that has so many great fighters. I'm trying to be that great, devastating champion once again, and come July 20, I will prove that I am." (Louis Pangilinan)